30 студзеня ў судзе Жыткавіцкага раёна суддзя Аляксандр Аношка разглядаў справу былога палітычнага зняволенага Уладзіміра Шакуна. Які прысуд яму быў вынесены, цяпер высвятляюць праваабаронцы, піша «Гомельская вясна».
Уладзіміра Шакуна судзяць на падставе дэкрэта № 7, выдадзенага Лукашэнкам у лістападзе 2021 года. У ім ён вызначыў пакаранні за карыстанне замежнай дапамогай без узгаднення яе з уладамі. Пры першым парушэнні фізічным асобам маюць накладаць штраф ад 5 да 30 базавых велічынь з канфіскацыяй дапамогі, а для юрыдычных асоб — штраф да 100% памеру дапамогі з яе канфіскацыяй. Пры паўторным жа парушэнні цягам года людзей дазволілі штрафаваць, арыштоўваць, абмяжоўваць ім свабоду на тэрмін да трох гадоў альбо пазбаўляць свабоды на тэрмін да двух гадоў ужо ў межах крымінальнай справы.
Ва Уладзіміра Шакуна гэта ўжо другі суд паводле гэтага дэкрэта. Папярэдні раз яго 2 лютага 2024 года судзіў Андрэй Багданік. Такім чынам, да Уладзіміра Шакуна можа быць заведзеная крымінальная справа і яго могуць зноў зняволіць.
Папярэдні раз Уладзіміра Шакуна зняволілі, абвінаваціўшы ў абразе Лукашэнкі (частка 1 артыкула 368 Крымінальнага кодэкса) і здзеку з дзяржаўных сімвалаў (арт. 370 КК). 16 студзеня 2021 года яму вынеслі прысуд у выглядзе двух гадоў «хіміі». Выйшаў на волю ён у 2023 годзе.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады7
Каментары