Расійская «Медуза» запусціла рэкламу, у якой выкарыстала відэа з пацярпелымі ад вайны ўкраінцамі. Выбухнуў скандал
Расійскае выданне «Медуза», штаб-кватэра якога знаходзіцца ў Рызе, запусціла рэкламную кампанію, у якой выкарыстоўваюцца рэальныя кадры вайны ва Украіне. Рэкламу для выдання бясплатна распрацавала нямецкае крэатыўнае агенцтва Lure. Але яе змест выклікаў абурэнне ў тым ліку і на палітычным узроўні, піша «Украінская праўда».
Як піша выданне «Детектор Медіа», спачатку пра рэкламную кампанію «Медузы» паведаміла сяброўка ўкраінскай грамадскай арганізацыі «Віче Берлін» Вікторыя Фешак. Па яе словах, яна ўбачыла гэты ролік у Берлінскім кінатэатры перад сеансам. Відэа ўтрымлівала шакавальныя кадры вайны ва Украіне, у прыватнасці момант пахавання жонкі і дачок Яраслава Базылевіча, які страціў сям'ю праз расійскую атаку на Львоў.
У «Віче Берлін» рэзка асудзілі такую рэкламу, абвінаваціўшы агенцтва ў маніпуляцыях і спробе выставіць расіян ахвярамі вайны. Там таксама заклікалі спыніць паказ гэтай рэкламы ў еўрапейскіх гарадах.
МЗС Украіны выступіў супраць гэтай рэкламы ў пасце ў сацсетцы X:
«Асаблівую «ўзнагароду» за маркетынгавы цынізм і крывадушнасць варта аддаць агенцтву Lure з Берліна. Яны паказалі ўкраінцаў, якія страцілі сем'і і дамы, у рэкламным роліку для расійскага выдання «Медуза».
У сваю чаргу прэс-сакратар міністэрства Георгій Ціхі заклікаў выданне «неадкладна выдаліць увесь рэкламны кантэнт, які эксплуатуе ўкраінскія пакуты, выкліканыя расійскім тэрорам», з усіх медыяплатформаў, дзе ён з'явіўся.
Да крытыкі «Медуза» прыслухалася: старонка рэкламнай кампаніі, на якой было размешчана відэа з украінцамі, перастала загружацца.
Цяпер чытаюць
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве7
Каментары
Ну немецким дизайнерам и прочим будет наука: в дальнейшем будут тщательно фильтровать материал, подсунутый русскими, даже рускими "из Риги".