31 студзеня 2025 года калектыву тэатра прадставілі новага дырэктара — Комаву Таццяну Валяр'янаўну. Мінулага кіраўніка звольнілі 21 сакавіка 2024 года.
Як паведамляе сайт тэатра, Таццяна Комава скончыла Беларускі дзяржаўны ўніверсітэт культуры і мастацтваў. У сферы культуры працуе амаль 30 гадоў, пачала з Беларускай дзяржаўнай філармоніі, таксама працавала на розных пасадах у Беларускім дзяржаўным тэатры лялек, Драматычным тэатры беларускай арміі.
З 2010 года займала пасаду намесніка дырэктара Музычнага тэатра.
Дырэктар Музычнага тэатра Сяргей Пукіта быў звольнены са сваёй пасады ў сакавіку 2024 года.
Прычынай звальнення, імаверна, стала выкананне ў тэатры кампазіцыі «Пераменаў!» савецкага рок-гурта «Кіно». 16 сакавіка ў Музычным тэатры выступаў сімфанічны аркестр Варонежскай канцэртнай залы з праграмай «Анталогія рускага року», у рэпертуары якога ёсць гэтая кампазіцыя.
17 сакавіка тэлеграм-канал «Motolkohelp» апублікаваў аўдыёзапіс выступу і рэакцыю залы. Паводле звестак канала, аркестру «падпявала літаральна ўся зала».
— Зала падтрымала выступ з гэтай кампазіцыяй, стоячы з ліхтарыкамі, — распавяла крыніца.
Пасля гэтага было прынята рашэнне звольніць Пукіту.
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў12
Каментары