Свет77

Ілан Маск: ЗША збанкрутуюць без скарачэнняў бюджэту

Маск згадаў дэфіцыт бюджэту краіны, які перавысіў 1,8 трыльёна даляраў у мінулым фінансавым годзе.

Ілан Маск прывёў у Авальны кабінет свайго сына X Æ A-Xii. Фота: Alex Brandon / AP

Мільярдэр Ілан Маск, якога прэзідэнт Дональд Трамп прызначыў кіраваць намаганнямі сваёй адміністрацыі па скарачэнні выдаткаў, заявіў у аўторак, што ЗША «збанкрутуюць» без скарачэнняў бюджэту, піша «Голас Амерыкі».

Маск сказаў гэта журналістам у Авальным кабінеце Белага дома, куды яго запрасіў прэзідэнт ЗША Дональд Трамп. У апошнія тыдні прэзідэнт выдаў шэраг распараджэнняў, накіраваных на скарачэнне федэральных выдаткаў.

Маск кіруе намаганнямі адміністрацыі ЗША ў рамках нядаўна створанага Дэпартамента эфектыўнасці дзяржаўнага кіравання (DOGE).

У прыватнасці, Маск згадаў дэфіцыт бюджэту краіны, які перавысіў 1, 8 трыльёна даляраў у мінулым фінансавым годзе, і паказаў на высокія плацяжы па працэнтах па абслугоўванні дзяржаўнага доўгу.

«Гэта не адна з опцый, якая ёсць у Вашынгтона, — скараціць федэральныя выдаткі, — сказаў ён журналістам. — Гэта стала неабходнасцю».

Гэтыя словы Ілана Маска прагучалі на фоне таго, як адміністрацыя Трампа сутыкнулася з рашэннямі шэрагу федэральных суддзяў ЗША, якія паставілі пад сумнеў законнасць мер Белага дома па скарачэнні выдаткаў.

Маштабныя планы Трампа, якія амаль прывялі да закрыцця некалькіх федэральных агенцтваў, у выніку чаго многія іх супрацоўнікі апынуліся перад пагрозай магчымага скарачэння, справакавалі юрыдычныя баталіі ў краіне.

Тым часам каманда Ілана Маска працягвае правяраць федэральныя агенцтвы, замарозіўшы фінансаванне многіх праграм і настаяўшы на скарачэнні персаналу.

На фразу пра тое, што некаторыя з крытыкаў лічаць, што Маск арганізаваў захоп урада, мільярдэр адказаў, што «амерыканцы прагаласавалі на выбарах прэзідэнта, Палаты прадстаўнікоў і Сената за буйную рэформу ўрада», за пытанне, пра якое Трамп казаў на кожным мітынгу.

Маск, які таксама ўзначальвае SpaceX і Tesla, на пытанне аб магчымым канфлікце інтарэсаў паміж яго кампаніямі, якія атрымліваюць абаронныя заказы, і яго дзейнасцю ў адміністрацыі Трампа, адказаў, што ён «імкнецца быць максімальна празрыстым у сваёй працы» і адкрыты для крытыкі.

Дзейнасць каманды з DOGE выклікала трывогу сярод шэрагу чыноўнікаў, паколькі яны атрымалі доступ праз Міністэрства фінансаў ЗША да канфідэнцыйных даных грамадзян ЗША.

Каментары7

  • Сорас
    12.02.2025
    Фрык-шоў па-амерыканску.
  • Відавочна
    12.02.2025
    Розных там небінарных эка-псіхолагаў
    Будуць заганяць на заводы.
    Марс сам не прыляціць.
  • Янка
    12.02.2025
    Маск, чыя Tesla пад час кадэнцыі Байдэна насуперак змрочным прагнозам эканамістаў паднялася за кошт дзяржсубсідый ($7500/электракар) - заклапаціўся пытаннямі дэфіцыту дзяржбюджэту?

Цяпер чытаюць

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ

Усе навіны →
Усе навіны

«Не пашпарт мяне робіць беларусам». Пагутарылі з эмігрантамі з розных краін, у якіх скончыліся пашпарты6

Якія мікрараёны Мінска самыя дарагія?1

Трамп сказаў, што Зяленскі можа адмовіцца ад Крыма2

У гарадскіх маршрутках павінны з'явіцца рамяні бяспекі

Канада сёння абірае новы парламент і прэм’ер-міністра на фоне канфлікту з Трампам1

Самую дарагую кватэру ў Мінску спрабуюць здаць за 10 тысяч даляраў штомесяц9

Банк папрасіў расказаць пра паездкі за мяжу. Навошта?

Учора ў Беларусі было не больш за +13°С1

Трамп зноў заклікае Пуціна «спыніць стральбу» і заключыць «здзелку»

больш чытаных навін
больш лайканых навін

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ

Галоўнае
Усе навіны →

Заўвага:

 

 

 

 

Закрыць Паведаміць