Былы прэм'ер Вялікабрытаніі Борыс Джонсан пастом у сацсетцы Х заклікаў еўрапейцаў перастаць абурацца Дональдам Трампам і пачаць дапамагаць яму пакласці канец гэтай вайне. Пры гэтым ён даў сваю версію, для чаго Трамп гаворыць і робіць усе тыя рэчы, якія так шакуюць Еўропу і Украіну.
Джонсан пагаджаецца, што, канешне, зусім не Украіна пачала вайну з Расіяй. З такім жа поспехам, маўляў, можна сказаць, што гэта Амерыка напала на Японію ў Пёрл-Харбары ў 1941 годзе.
Не згодзен ён і з тым, што краіна, якая падвяргаецца гвалтоўнаму ўварванню, павінна абавязкова ладзіць на сваёй тэрыторыі выбары. У прыклад ён прыводзіць сваю краіну, Вялікабрытанію, дзе ўсеагульныя выбары не праводзіліся 10 гадоў, з 1935 па 1945 год.
І рэйтынг Зяленскага, пагаджаецца Джонсан, не 4%, а «прыкладна такі ж, як у Трампа».
Дзеля чаго ж тады такія абсурдныя і не адпаведныя рэчаіснасці заявы Трампа? Борыс Джонсан лічыць, што яны закліканыя шакаваць еўрапейцаў і заахвоціць іх да дзеяння.
У прыватнасці, звяртае ўвагу былы брытанскі прэм'ер, у асноўным у Бельгіі захоўваюцца $300 млрд замарожаных расійскіх актываў. Гэта грошы, якія можна і трэба выкарыстоўваць для выплат Украіне і кампенсацыі ЗША за яе падтрымку.
«Чаму Еўропа перашкаджае размарожванню пуцінскіх грошай? ЗША лічаць, што Бельгія, Францыя і іншыя краіны гэта блакуюць. Гэта абсурд. Нам трэба дзейнічаць сур'ёзна і хутка», — заклікае Борыс Джонсан.
Трамп назваў Зяленскага «дыктатарам без выбараў» і «сярэднім па паспяховасці комікам»
Еўрапейскія спецслужбы баяцца вываду амерыканскіх войскаў з краін ЕС
«Гэта немагчыма». Зяленскі адказаў Трампу на магчымасць правядзення зараз выбараў
Зяленскі адказаў Трампу, колькі грошай Украіна выдаткавала на вайну і колькі з іх было амерыканскіх
Трамп заявіў, што Расія хоча «спыніць гэтае дзікунства», а ва Украіны «было тры гады, каб сесці за стол перамоў»
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары