У банку вакансій дзяржаўнай службы занятасці з'явілася некалькі вакансій, дзе абяцаюць заробак звыш 20 тысяч рублёў. Дзве такіх вакансіі прапануе ТАА «ФлэксіТэч», заўважыў Blizko.by.
Гэтай фірме патрабуецца праграміст з вышэйшай адукацыяй і 5-гадовым вопытам працы. Кандыдат будзе займацца крос-функцыянальнай камандай распрацоўкі (8+ чалавек). Патрабуецца высокая ступень самастойнасці, адказнасці і вопыт у ролі Team Lead ад 2-х гадоў, а таксама вопыт камерцыйнай распрацоўкі на платформе.Net C# ад 5 гадоў.
Заробак такому чалавеку абяцаюць не цвёрды, а з дыяпазонам у 16730 — 20490 рублёў. Гэта ад 5215 да 6388 даляраў па актуальным курсе Нацбанка.
Іншая вакансія — кіраўнік праекта. Асноўнымі задачамі будуць: вызначыць ключавыя мэты прадукту; генераваць і валідаваць гіпотэзы, даследаваць рынак і канкурэнтаў; узаемадзейнічаць з патэнцыяльнымі і дзейнымі партнёрамі і СХ; ствараць і падтрымліваць дарожную карту прадукту і іншыя падобныя абавязкі.
Тут прапануюць такі дыяпазон заробкаў: 14340 — 22190 рублёў. У пераліку гэта ад 4470 да 6918 даляраў.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы17
Каментары