У прыватным сектары і з санвузлом на вуліцы. Так выглядае самая танная кватэра Мінска
Самая танная кватэра знаходзіцца ў прыватным доме на вуліцы Касмадзям’янскай. У яе ёсць асобны ўваход і невялікі ўчастак зямлі, які можна добраўпарадкаваць на свой густ — паставіць альтанку або зрабіць парнік, піша Onliner.by.
Будынак пабудаваны з цэглы яшчэ ў 1954 годзе. Новаму ўладальніку дастанецца 37 «квадратаў». Тут размясціліся пярэдні пакой, прасторная кухня на 13 кв. м і асноўны пакой — з канапай і працоўнай зонай.
У кватэры таксама ёсць уласны падвал і гарышча, якое можна выкарыстоўваць для захоўвання рэчаў або пераабсталяваць у жылую прастору.
Чаго ў кватэры няма, дык гэта санвузла. Прынамсі, у самім доме. Ён знаходзіцца за яго межамі — у асобным будынку. Таму размаўляць пра гарадскі камфорт можна з нацяжкай.
Як апісвае ўладальнік: «Ля дома знаходзяцца крамы, дашкольныя ўстановы, школы і вышэйшыя навучальныя ўстановы. Побач паліклінікі, гандлёвыя, медыцынскія і бізнес-цэнтры, кавярні, бары і рэстараны.
Развітая транспартная сетка. Тры прыпынкі да станцыі метро «Маскоўская», 15—20 хвілін хады да станцыі «Парк Чалюскінцаў». Аб’ект размешчаны ў атачэнні зялёнай зоны і месцаў для адпачынку — побач бульвар Талбухіна, Севастопальскі парк і парк Чалюскінцаў».
Самая цікавая дэталь — 41 800 даляраў у эквіваленце.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў2
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары