«Белтэлекам» спыніў вяшчанне тэлеканала «з загадкавай рускай душой»
Аператар электрасувязі «Белтэлекам» паведаміў пра спыненне з 5 сакавіка тэставага вяшчання расійскага тэлеканала «Наша тема».
Як удакладнілі ў «Белтэлекаме», вяшчанне «Нашей темы» спынілі ў пашыраных і базавых пакетах Zala IPTV, а таксама ў базавым пакеце «Канапа ТБ» Smart Zala.
«Наша тема» — тэлеканал з загадкавай рускай душой і сібірскім характарам, які раскажа пра падарожжы па Сібіры, турыстычныя маршруты, жыццё і выжыванне ў тайзе, цікавых людзей, культуру і традыцыі мясцовых народаў«, — сказана пра гэты тэлеканал у ягоным акаўнце ў сацсетцы «ВКонтакте».
Там паказваюць перадачы з лайфхакамі для рыбалкі і палявання, праграмы пра актыўны адпачынак, падарожжы па рэках і азёрах, морах і акіянах і да т. п.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга145
Каментары