Аднак каманда экс-прэзідэнта Украіны выступае супраць правядзення выбараў ва ўмовах баявых дзеянняў.
Экс-прэзідэнт Украіны Пятро Парашэнка заявіў, што яго каманда «публічна і празрыста» працуе з уладамі ЗША, піша РБК.
Раней Politico паведаміла пра «тайныя перамовы» адміністрацыі Трампа з партыяй Парашэнкі «Еўрапейская салідарнасць» і экс-прэм’еркай Юліяй Цімашэнкай.
«Сутнасць нашых размоў з прадстаўнікамі амерыканскага боку заўсёды зводзіцца да двух прынцыпаў: «бяспека перадусім, а мір — праз сілу», — заявіў Парашэнка.
Ён падкрэсліў, што адсутнасць належнай камунікацыі паміж цяперашнімі ўладамі Украіны і адміністрацыяй ЗША стварае «рызыку для дзяржавы».
Каманда Парашэнкі выступае супраць правядзення выбараў ва ўмовах баявых дзеянняў.
Галасаванне магчыма толькі пасля спынення агню і мірнага пагаднення з гарантыямі бяспекі, — заявіў экс-прэзідэнт.
Цімашэнка падзяляе гэтую пазіцыю: «Да таго моманту [дасягнення міру], і я казала пра гэта неаднаразова, пра правядзенне выбараў ва Украіне не можа быць і гаворкі».
Цімашэнка таксама заявіла, што яе партыя «Бацькаўшчына» супрацоўнічае з усімі саюзнікамі Кіева, каб дапамагчы дасягнуць «справядлівага міру».
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў1
Каментары
Вот бы путяра обрадовался.