У 2025 годзе ў Башкартастан плануецца завоз новай партыі зуброў з Беларусі, паведамляе ТАСС.
Па словах в. а. кіраўніка дырэкцыі асабліва ахоўных тэрыторый гэтага расійскага рэгіёну Айрата Валятдзінава, навукоўцы рэкамендавалі павялічыць колькасць групы жывёл да 50-100 галоў для стварэння ўстойлівай папуляцыі, здольнай да самаабароны і размнажэння.
«Пакуль плануем, што завязем яшчэ 18 галоў зуброў сёлета. У цяперашні час у прыродным парку «Мурадымаўская цясніна» жыве 22 зубры, уключаючы зубранят. Гэта мерапрыемства накіравана на захаванне і аднаўленне папуляцыі зуброў у рэгіёне, каб стварыць устойлівае пагалоўе жывёл, здольных да самаабароны і рэпрадукавання папуляцыі», — сказаў ён.
Паводле слоў Валятдзінава, рост папуляцыі зуброў нічым не пагражае мясцовым жыхарам, кармавой базы і месца тут хопіць усім.
Першая папуляцыя зуброў з Беларусі з'явілася ў Башкартастане ў 2023 годзе. Тады былі завезеныя дзве партыі па 9 асобін.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары