Грамадства2222

«Разумны чалавек, і гэта максімум». Што кажуць пра Аляксандра Турчына, новага прэм’ера

«Ці можна яго характарызаваць як прагматыка?» — запыталася «Наша Ніва» ў беларускага бізнэсоўца, які назіраў за Турчыным з 2010-х. 

«Перш за ўсё любы чыноўнік сёння і ўчора — гэта канфарміст, — сказаў «Нашай Ніве» прадпрымальнік з кантактамі ў вышэйшых эшалонах улады. — У цэлым ён сам гэта пацвярджае першымі каментарамі. «Прагматык» гучыць занадта добра, — дадаў суразмоўца.

— «Рэфарміст»?

— «Рэфарміст» не адпавядае цяперашняму этапу. Рэфармістам ён мог быць у мінулым, не такім далёкім.

— «Дзяржаўнік»?

— «Дзяржаўнік» — гэта ў цэлым характарыстыка па змоўчанні ўсіх чыноўнікаў, за рэдкім выключэннем відавочных комерсаў ва ўладзе.

— «Рыначнік»?

— Гэта дакладней, чым рэфарміст. Дарэчы, «рыначнік» — гэта станоўчая рыса. Для мяне ён рыначнік, але канфарміст. І, магчыма, гэта найлепшае спалучэнне, бо рэфармістаў нам не дадуць. Дай бог, каб далі хаця б проста разумных людзей», — кажа прадпрымальнік.

Прызначэнне 49-гадовага Аляксандра Турчына можа сведчыць як пра чаканне эканамічнага крызісу ў Расіі, наступствы якога перакінуцца на Беларусь, так і пра намер Лукашэнкі змякчыць курс пасля пяці гадоў замарожвання і рэпрэсій.

Самае відавочнае, што Лукашэнка выбраў у прэм’еры чалавека актыўнага і ініцыятыўнага, які здольны на пошук новых рашэнняў для эканомікі і які пры гэтым лаяльны цяперашняму прарасійскаму і рэпрэсіўнаму палітычнаму курсу.

Аляксандр Лукашэнка, прызначаючы прэм’ер-міністрам Аляксандра Турчына, адзначыў яго ўладарнасць і рашучасць — «наяўнасць прэзідэнцкіх схільнасцяў», як назваў гэта Лукашэнка.

«Я спецыяльна, вы заўважылі, цэлымі блокамі прадставіў нашых віцэ-прэм'ераў і тых міністраў, якія будуць з імі працаваць. Я хачу, каб вы заўсёды памяталі — у вас ёсць такія прэзідэнцкія схільнасці, як у мяне. Вы можаце рэзка павярнуць. Але тут вам давядзецца раіцца з Раманам Аляксандравічам [Галоўчанкам]», — сказаў Лукашэнка.

Былы кіраўнік урада — 51-гадовы Раман Галоўчанка — займаў пасаду прэм’ер-міністра Беларусі з чэрвеня 2020 года. 10 сакавіка ён стаў кіраўніком Нацбанка.

Аляксандру Турчыну 49 год. Ён нарадзіўся ў Навагрудку. Скончыў Беларускі дзяржаўны эканамічны ўніверсітэт, Акадэмію кіравання.

У 2004—2010 гадах працаваў у Карэліцкім райвыканкаме Гродзенскай вобласці, з 2010 года — у Мінскім аблвыканкаме. 

З 2018 года прызначаны на пасаду першага намесніка прэм’ер-міністра.

З 2019 года — старшыня Мінскага аблвыканкама.

Турчын — не самы малады прэм'ер за час прэзідэнцтва Лукашэнкі. Міхаілу Чыгіру і Раману Галоўчанку на момант прызначэння было па 46 гадоў, Сяргею Румасу — 48, Сяргею Сідорскаму — 49.

Першай заявай Турчына на новай пасадзе стала тое, што «ніякай істотнай карэкціроўкі эканамічнага курсу не будзе». 

Адказваючы на пытанне, ці ёсць неабходнасць змяняць падыходы, ён сказаў: «Маё самае любімае выказванне — «эвалюцыя без рэвалюцый». На любой пасадзе, вядома, неабходна эвалюцыянаваць: і на пасадзе старшыні ўрада, і старшыні Мінскага аблвыканкама… Кожны кіраўнік разам са сваім прыходам прыносіць нешта новае, новы погляд на тыя ці іншыя праблемы».

«Ніякай істотнай карэкціроўкі эканамічнага курсу, вядома, не будзе. Самае галоўнае — забяспечыць устойлівае і збалансаванае развіццё нашай краіны», цытуе Турчына дзяржаўнае агенцтва БелТА.

Каментары22

  • даведка
    10.03.2025
    Турчин не имеет никакого практического опыта, чтобы рулить всей экономикой.
    Благодаря папе начал директором (или завмагом?) колхозного магазина, потом замом председателя на родине главы администрации Макея, был помощником Лукашенко, был руководителем аппарата Совмина, т.е. мальчик на побегушках.
  • ЖБ
    10.03.2025
    КЗ или БЧБ?
  • минуточку, оналитеги…)
    10.03.2025
    следующим пересидентом будет либо 1) коля, либо 2) какой нибудь заезжий орк из России. общее в обеих ситуациях то, что они должны окончательно уничтожить всё белорусское. это одна из двух задач в РБ, которую ставит перед своими рабами чемодан с говном. а вторая задача - естественно, сгнить в окопах под Волчанском.

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

Прайшоў другі этап абмену расійска-ўкраінскага абмену ваеннапалоннымі. Абмянялі і аднаго беларуса2

Стала вядома, каго з расійскіх вайскоўцаў лячылі ў бальніцах Гомельшчыны ў пачатку вайны13

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца23

«Вы за ўсё адкажаце». Беларусам на прайдзе ва Уроцлаве таксама пагражалі невядомыя53

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы10

Еўракамісія прапануе знізіць верхнюю мяжу цаны на нафту1

Telegram: Мы ніколі не раскрывалі прыватныя паведамленні трэцім асобам6

Да ветэранаў спецназа Паўлічэнкі прыязджаў незвычайны госць: беларус, але мусульманін3

Зніклі крыжы на могілках у Гудагаі

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць