Памёр беларускі кларнетыст, педагог, заслужаны артыст Беларусі Генадзь Забара. Яму было 72 гады. Пра смерць вядомага музыкі паведамілі ягоныя знаёмыя ў сацсетках.
Генадзь Забара нарадзіўся 18 мая 1952 года ў вёсцы Леніна Бабруйскага раёна.
У 1970 годзе скончыў Мінскае музычнае вучылішча імя Глінкі і да 1980 года працаваў у ім выкладчыкам. У 1975 годзе скончыў Музычна-педагагічны інстытут імя Гнесіных у Маскве.
З 1975 года працаваў салістам Дзяржаўнага акадэмічнага сімфанічнага аркестра Беларусі, з 1986 года — салістам-інструменталістам і з 1994-га — артыстам-салістам, вядучы майстрам сцэны канцэртна-гастрольнага аддзела Беларускай філармоніі. Адначасова выкладаў у Беларускай акадэміі музыкі.
Выканаў у сольных канцэртах беларускую анталогію камернай музыкі для кларнета з твораў класікі і сучасных кампазітараў, у тым ліку.
«Колькі тысяч кіламетраў гастрольных дарог праехалі мы разам з Вамі — ад Беларусі да Іспаніі, а па самой Іспаніі колькі! Ад Турцыі да Кітая лёталі па планеце! А шматлікія аўдыёзапісы найскладанейшага авангарда — швейцарскага, нямецкага, беларускага, і рознага постсавецкага ў Швейцарыі і Беларусі, а самыя-самыя фестывалі, якое мноства фантастычнай авангарднай і класічнай, і старадаўняй музыкі сыгралі разам з вельмі шаноўным старэйшым калегам», — напісаў у фэйсбуку вядомы беларускі фагатыст, дырыжор і музыказнаўца Аляксей Фралоў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары