У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы
Ехаў грамадзянін ЗША з Літвы ў таварным цягніку, які кіраваўся з літоўскай Кяны ў беларускае Маладзечна, паведаміла прэс-служба Мытнага камітэту.
На маладзечанскай станцыі супрацоўнікі мытні ўбачылі яго ў пустым вагоне таварнага цягніка. Яны ж затрымалі яго за нелегальнае перасячэнне беларускай мяжы.
Для далейшага высвятлення сітуацыі амерыканца накіравалі да Пагранічнай службы Беларусі.
Таксама прэс-служба апублікавала фота таго, як грамадзяніна ЗША заўважылі ў цягніку.
Выява амерыканца, зробленая мытнай службай. Фота: Мытны камітэт
Каментары