Прычынай успышкі вострай кішэчнай інфекцыі ў садку ў Пінску стала сальманела
Цяпер устанаўліваецца крыніца заражэння.
Прычынай групавога захворвання на вострую кішэчную інфекцыю выхаванцаў дзіцячага садка № 29 у Пінску стала бактэрыя сальманела. Цяпер устанаўліваецца крыніца заражэння,
паведаміў галоўны дзяржаўны санітарны лекар Брэсцкай вобласці Алег Арнаутаў.
Паводле яго слоў, эпідэміялагічнае расследаванне прычын узнікнення групавога захворвання пачата спецыялістамі тэрытарыяльнага і абласнога цэнтраў гігіены і эпідэміялогіі 20 сакавіка — пасля паступлення першай інфармацыі аб захварэлых.
Усяго 20—21 сакавіка ў Пінску было шпіталізавана ў інфекцыйную і дзіцячую бальніцы 86 дзяцей і тры супрацоўнікі дзіцячага садка, пяць дзяцей лечацца амбулаторна.
Ва ўсіх захворванне лёгкай і сярэдняй ступені цяжкасці.
Новых выпадкаў кішэчнай інфекцыі не выяўлена. Паводле інфармацыі на раніцу 23 сакавіка, двое дзяцей ужо выпісаны з бальніцы.
21 сакавіка пракуратурай Пінска распачата справа па ч. 1 арт. 336 Крымінальнага кодэкса (парушэнне санітарна‑эпідэміялагічных правілаў).
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары