Амерыканскі маладзён, які ўламіўся ў фларыдскую турму, цяпер зможа завітаць туды праз парадныя дзверы, у якасці вязня. 25-гадовы Сільвестр Джылс прыгавораны да 15 гадоў зняволення за парушэнне выпрабаваўчага тэрміну пасля папярэдняга зняволення: яго злавілі, калі той пералазіў плот акруговай турмы. У студзені проці яго было высунутае абвінавачванне, а ўчора вынеслі гэткі цяжкі прысуд.
Фларыдскія ўлады паведамляюць, што Джылс ускараскаўся на трохметровы плот турмы Брывард, дзе яго і схапілі турэмшчыкі. Пасля ж, згледзіўшы глыбокія парэзы, якія пакінуў на руках калючы дрот, парушальніка шпіталізавалі.
Нашто ж чалавеку які тыдзень пасля вызвалення пішчом лезе ў месца зняволення? Тлумачэнне дзіўных паводзінаў Джылса наступнае: пасля таго, як той амаль адбыў тэрмін за забойства па неасцярожнасці, баючыся помсты з боку сям'і забітага, ён просам прасіў начальнікаў турмы, каб пасля адбыцця пакарання яго пакінулі па-за кратамі. Забойцы адмовілі і прапанавалі падаць супраць сям'і забітага скаргу. Але Крысціян абраў іншы шлях, каб урэшце атрымаць, што хацеў — жыццё за надзейным мурам.
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары