У Мінску з’явілася шмат зон з абмежаваннямі для перамяшчэння на сродках персанальнай мабільнасці (электрасамакаты, монаколы ды інш). Да іх адносяцца ўсе ўстановы адукацыі, паркі, скверы, станцыі метрапалітэна, паведамляе гарадское ДАІ.
У прыватнасці, абмежавалі хуткасць руху:
- у межах першага кальца — да 15 км/г,
- у межах другога кальца — да 17 км/г,
- астатні Мінск у межах МКАД — да 20 км/г;
- 200 аварыйна небяспечных участкаў — да 7 км/г.
— У канцы мінулага сезона такіх зон было 47. Сярод іх — аварыйна небяспечныя скрыжаванні, дзе здараліся ДТЗ з удзелам сродкаў персанальнай мабільнасці. Сёлета такіх участкаў будзе 200. Гэта не толькі буйныя праспекты, але і жылыя мікрараёны. Участкі выбралі па выніках аналізу аварыйнасці за апошнія тры гады, — расказаў на прэс-канферэнцыі намеснік начальніка УДАІ ГУУС Мігарвыканкама Дзяніс Лівановіч.
Сэрвісы кікшэрынгу ўлічылі ўсе гэтыя абмежаванні праз налады ў праграме: самакат не паедзе хутчэй за дазволеную хуткасць і спыніцца ў зоне, дзе праезд забаронены.
-
Дзмітрый «Шэры кот» Казлоў — пра тое, як стаў палітычным блогерам і за гэта аказаўся за кратамі. А цяпер будуе новае жыццё ў выгнанні
-
З пачатку года колькасць беларусаў у Літве з дазволам на пражыванне зменшылася на 10%
-
Жыхары вёскі пад Баранавічамі папрасілі ў чыноўнікаў заасфальтаваць дарогу. Тыя геніяльна вырашылі праблему
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары