Свет11

Эрдаган: Без Турцыі Еўропа не зможа гарантаваць сваю бяспеку

Ва ўмовах нестабільнасці ў свеце і росту напружанасці ў некаторых яго рэгіёнах Еўропа можа абаперціся на Турцыю, без якой немагчыма гарантаваць бяспеку кантынента. Пра гэта заявіў турэцкі прэзідэнт Рэджэп Таіп Эрдаган, выступаючы на штогадовым дыпламатычным форуме ў Антальі, піша Euronews.

Рэджэп Таіп Эрдаган. Фота: Mert Gokhan Koc / dia images via Getty Images

Эрдаган заявіў, што ягоная краіна можа дапамагчы пераадолець геапалітычныя рознагалоссі, звязаныя з Украінай, Сірыяй і гандлёвай вайной, якая ўзнікла з-за уведзеных Злучанымі Штатамі мытаў.

«У чарговы раз стала ясна, што еўрапейская бяспека немагчымая без Турцыі. Турцыя гатовая ўзяць на сябе адказнасць за еўрапейскую бяспеку і ў будучыні», — сказаў ён на адкрыцці трохдзённага форуму.

Па меры пагаршэння трансатлантычных адносін пры адміністрацыі Дональда Трампа Турцыя, якая мае другія па колькасці ўзброеныя сілы ў блоку НАТА і развітую абаронную прамысловасць, імкнецца да таго, каб адыгрываць больш значную ролю на міжнароднай арэне. Так, Турцыя стала ключавым пасярэднікам у перамовах па Чарнаморскай ініцыятыве, падтрымліваючы дыялог як з Украінай, так і з Расіяй.

Пры гэтым як Эрдаган, так і Трамп не раз казалі пра добрыя асабістыя стасункі паміж імі.

«Я веру, што наша супрацоўніцтва са Злучанымі Штатамі будзе развівацца ва ўсіх галінах падчас другога прэзідэнцкага тэрміну Трампа, у тым ліку дзякуючы нашай моцнай дружбе з ім», — сказаў турэцкі прэзідэнт і гэтым разам.

Гаворачы пра ўведзеныя Трампам тарыфы, Эрдаган адзначыў, што 10%-я мыты на турэцкія тавары могуць мець і станоўчы эфект для эканомікі краіны.

«Мы робім усё магчымае з мэтай не дапусціць, каб вострая камерцыйная канкурэнцыя праз мытныя тарыфы стала разбуральнай, — сказаў Эрдаган. — Турцыя будзе сярод краін, якія выйграюць ад гэтага працэсу».

Сам турэцкі прэзідэнт усе апошнія месяцы спрабуе ўтаймаваць маніфестантаў, якія праводзяць акцыі ў падтрымку галоўнага палітычнага праціўніка Эрдагана, мэра Стамбула Экрэма Імамоглу, які знаходзіцца ў турме.

Каментары1

  • Andrew
    12.04.2025
    Браво, Эрдоган!

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

Не думайце, што гэта капейкі!3

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

У Літве расказалі, чаму не збівалі дрон, які заляцеў да іх з Беларусі4

Сенсацыйнае адкрыццё: звычайны сіроп ад кашлю абараняе ад дэменцыі

З-за непагадзі Мінск перажывае вялікія транспартныя складанасці

Марка Рубіа выказаў расчараванне пасля сустрэчы з Лаўровым1

Кавалеўскі патлумачыў, за які дыялог паміж грамадствам і ўладамі ён выступае13

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць