Прадстаўнік Трампа абвергнуў публікацыю The Times пра падзел Украіны на манер пасляваеннага Берліна
Спецпрадстаўнік Трампа Кіт Келаг абвергнуў артыкул The Times пра імаверны падзел Украіны на манер падзелу Берліна пасля 1945 года.
«Я не меў на ўвазе падзел Украіны. Гаворка ішла пра сілы ўмацавання пасля спынення агню, пра зоны адказнасці саюзніцкіх сіл», — сказаў ён.
«Абмяркоўваючы пытанне аб падзеле, я меў на ўвазе раёны або зоны адказнасці сіл саюзнікаў (без амерыканскіх войскаў). Я не меў на ўвазе падзел Украіны», — дадаў ён.
Раней The Times напісаў, што Кіт Келаг прапанаваў падзяліць Украіну як пасляваенны Берлін у рамках мірнага пагаднення.
Нібыта паводле яго слоў:
— Расія кантралюе ўсход Украіны, а на захадзе могуць з’явіцца брытанскія і французскія сілы як частка «гарантыйнай місіі»;
— ЗША не будуць накіроўваць сухапутныя войскі, але могуць удзельнічаць у каардынацыі;
— паміж арміямі Украіны і Расіяй прапануецца стварыць буферную зону шырынёй 18 міль;
— новыя выбары ва Украіне могуць адбыцца пасля заключэння перамір’я.
Цяпер чытаюць
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары