Сябры грамадскіх ініцыятываў і арганізацыяў павіншавалі сёння горацкую моладзь з Днём Волі. З самай раніцы актывісты раздавалі адмыслова падрыхтаваныя віншаванкі, якія расказвалі пра Беларскую Народную Рэспубліку, межы, у якіх яна была абвешчана, дзяржаўныя сімвалы ды значэнне 25 сакавіка для сучаснай беларускай гісторыі. А таксама пра першага старшыню Рады БНР Янку Сераду, які з 1925 па 1929 быў дацэнтам Беларускай дзяржаўнай сельскагаспадарчай акадэміі ў Горках.
Сёння днём мясцовыя актывісты арганізуюць талаку па прыборцы магілы Войцеха Дамарацкага, удзельніка паўстання Кастуся Каліноўскага, забітага на тэрыторыі Горак падчас вызвалення горада ад царскай улады ў 1863 годзе. Вечарам на магіле Дамарацкага адбудзецца ўрачыстае ўскладанне кветак і зачытванне віншавальнага паслання цяперашняй старшыні Рады БНР Івонкі Сурвілы.
Таксама для моладзі вечарам будзе праведзена беларускамоўная дыктоўка.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары