На пахаванні Папы Францішка ў Ватыкане прысутнічалі як дзяржаўная дэлегацыя ад Лукашэнкі на чале са старшынёй Палаты прадстаўнікоў Ігарам Сергеенкам, так і дыпламатычны дарадца Святланы Ціханоўскай Дзяніс Кучынскі. Ён расказаў «Люстэрку», ці ўдалося яму пагаварыць з прадстаўнікамі афіцыйнага Мінска.
Па словах Дзяніса Кучынскага, яму сапраўды ўдалося нядоўга пагаварыць з Ігарам Сергеенкам і амбасадарам Беларусі у Ватыкане Юрыем Амбразевічам. Аднак паведамляць дэталі размовы не стаў, адзначыўшы, што «ў першую чаргу мы ўсе былі там для таго, каб аддаць даніну памяці святому айцу Францыску».
Таксама падчас цырымоніі развітання Кучынскі пагаварыў з прэзідэнтамі Аргенціны Хаўерам Мілеем, Албаніі Байрамам Бегаем, Малдовы Маяй Санду, а таксама міністрамі замежных спраў Ірландыі, Нідэрландаў і Румыніі.
Адбыліся кароткія перамовы з дарадцамі кіраўніцы дыпламатыі Еўрасаюза Каі Калас, прэзідэнта Польшчы Анджэя Дуды і Літвы Гітанаса Наўседы, а таксама з іерархамі каталіцкай і праваслаўнай цэркваў — у прыватнасці, з кардыналам Матэа Дзупі і ўсяленскім патрыярхам Варфаламеем.
«Сустрэчы не былі працяглымі, але з усімі, з кім мне ўдалося пагаварыць, мы абмеркавалі важныя моманты супрацоўніцтва», — адзначыў Кучынскі.
Сама Святлана Ціханоўская не змагла прысутнічаць на цырымоніі, бо ў яе на гэты дзень быў запланаваны шэраг важных сустрэч і мерапрыемстваў.
Цяпер чытаюць
Галыгіна прымусілі апраўдвацца за зварот да сілавікоў у 2020-м2
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Штирлицагенерала КГБ.