Пра ўжыванне ноччу на 28 красавіка супрацоўнікамі ДАІ зброі для спынення п'янага кіроўцы ў Шклове паведамляе прэс-служба МУС.
Паводле інфармацыі міністэрства, ноччу інспектары ДАІ загадалі спыніцца кіроўцу аўтамабіля «Ніва». Але ён праігнараваў іх патрабаванне і паспрабаваў уцячы, едучы па дарозе Орша — Шклоў — Магілёў.
«Пасля неаднаразовых папярэджанняў аб выкарыстанні зброі інспектар зрабіў прыцэльныя стрэлы па колах. Аўто спынілі», — паведамілі ў МУС.
У апублікаваным роліку бачны момант трапляння ў кола, пасля чаго машына пачынае віхляць і спыняецца. Кіроўцам аказаўся 55-гадовы жыхар Аршанскага раёна. Раней ён ужо быў пазбаўлены правоў на кіраванне.
У мужчыны былі прыкметы ап'янення. Праведзеная экспертыза засведчыла наяўнасць у крыві 1,3 праміле алкаголю. У дачыненні да парушальніка складзена 8 адміністрацыйных пратаколаў, ён змешчаны ў ІЧУ.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары