Не стала вядомай спявачкі, заслужанай артысткі Беларусі Наталлі Раманскай, паведамілі яе знаёмыя ў сацсетках. Ёй было 64 гады.
Наталля Раманская нарадзілася 27 студзеня 1961 года ў вёсцы Мышанка Петрыкаўскага раёна.
У 1982-1998 гадах яна спявала ў Дзяржаўным акадэмічным народным хоры Беларусі імя Генадзя Цiтовіча. Адначасова з 1990 года працавала ў ансамблі народнай музыкі «Бяседа» Нацыянальнай дзяржаўнай тэлерадыёкампаніі Рэспублікі Беларусь.
Раманская была першай выканаўцай многіх твораў беларускіх кампазітараў. Сярод іншага яна разам з Якавам Навуменкам спявала папулярныя ў 1990-я гады песні «Зорачка мая» і «Падаюць зоры».
У 1997 годзе Наталлі Раманскай было прысвоена званне заслужанай артысткі Беларусі.
У 1999-2006 гадах Раманская выкладала ў Беларускім універсітэце культуры і мастацтваў.
Развітанне з Наталляй Раманскай адбудзецца 29 красавіка пачынаючы з 9:30 у рытуальнай зале на Альшэўскага, 12 у Мінску.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары