«Мне нас шкада. Нас б'юць, як мух мухабойкай». Z-ваенкар заклікаў спыніць вайну
Расійскі ваенкар і прапагандыст Аляксандр Сладкоў выказаў балючае расчараванне ў сувязі з дронавай пагрозай з боку Украіны, бездапаможнай рэакцыі расійскага камандавання на гэта і агульнай стратэгічнай няпэўнасцю Расіі ў вядзенні вайны. Ён мяркуе, што варта спыняць вайну.
«Мне нас шкада. Нас б'юць. Я ўжо дайшоў да жалю. Быў перыяд адмаўлення, гневу, яшчэ чагосьці. А цяпер я прыняў сітуацыю такой, якая яна ёсць. Нас б'юць, як мух мухабойкай. Так, мы надзвычайныя ў абароне і захапляльныя ў штурмах, пры пераходзе да стралковага бою праціўнік амаль заўсёды здаецца. Але Расію трасе ад налётаў БЛА саперніка», — піша Сладкоў.
Прапагандыст лічыць, што Расія стаіць перад дылемай — трэба «ці спыняць вайну, пераходзіць да замарозкі, да перамір'яў, ці яшчэ кудысьці, ці ваяваць так, як звычайна ваююць рускія».
«Мы ў гэтым баявым парытэце з Украінай можам стачыць тых, хто застаўся біцца», — мяркуе ён.
Ваенкар наракае на тых, хто «лічыць, што гэта вайна не іх справа». Ён называе іх «балотам», якому трэба адказаць — не толькі словамі, але і дзеяннямі, пакараннямі, нават «вышэйшай мерай» для тых, хто крадзе і падрывае фронт знутры.
«Ды шмат чаго можна зрабіць, як той казаў, у каня галава вялікая, вось няхай яна і думае. Думае так, каб усе нашы сумневы зніклі і больш не з'яўляліся. І каб я перастаў шкадаваць Расію, якую атакуюць то тут, то там», — дадае ён.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары