Балістычная ракета, выпушчаная з Емена, раніцай у нядзелю ўразіла тэрыторыю Ізраіля ў раёне міжнароднага аэрапорта Бэн-Гурыён. Пацярпелі шэсць чалавек. Авіякампаніі адмяняюць рэйсы.
У Ізраілі ракета хусітаў упала каля аднаго з тэрміналаў аэрапорта Бэн-Гурыён. Па дадзеных мясцовых СМІ, гэта першы выпадак, калі ракета хусітаў дасягнула Цэнтральнага раёна Ізраіля. Яна ўпала ў дзясятках метраў ад дарогі, якая вядзе да тэрмінала.
Прызямлілася ракета на тэрыторыі, дзе размешчаныя стаянкі для аўтобусаў і таксі.
Surveillance camera footage shows the moment of the Houthi missile impact at Ben Gurion Airport.
The missile struck a grove adjacent to an access road, within the airport's perimeter. pic.twitter.com/AUyQwKrEOy
Войска абароны Ізраілю паведаміла аб спробах перахапіць ракету, якія скончыліся няўдала. Аэрапорт на некаторы час прыпыніў працу, аднак пасля аднавіў яе.
Праіранская групоўка «Ансар Ала» (хусіты), якая кантралюе значную частку Емена і валодае арсеналам балістычных ракет, раней ужо неаднаразова запускала ракеты па тэрыторыі Ізраіля, патрабуючы спынення баявых дзеянняў у сектары Газа. Як правіла, гэтыя ракеты збіваюцца сістэмай СПА, піша «Свабода».
Прадстаўнікі хусітаў пасля ўдару па Ізраілі заявілі, што ён прадэманстраваў іх вайсковыя магчымасці. Міністр абароны Ізраілю Ісраэль Кац у сваю чаргу заявіў, што за ўдар рушыць услед «сяміразовая адплата».
Авіякампаніі Lufthansa, United Airlines, Air France, Brussels Airlines, Air India, Air Canada, US Airways, Transavia, Air Europa і WizzAir паведамілі аб прыпыненні палётаў у Ізраіль.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары
5 хвілін таму 2 байца цахала загінулі 3 атрымалі цяжкіе паранення
Пару раз праглядзіце навіны з Ізраіля з" першых вуснаў" з кнессета ўсе зразумееце аб цахале шабаке масаде