У Беларусі засталося каля 800 ветэранаў. 427 з іх — удзельнікі вайны
Па стане на 1 мая ў Беларусі жывуць каля 800 ветэранаў «Вялікай Айчыннай вайны». Пра гэта паведаміў намеснік начальніка галоўнага ўпраўлення сацыяльнага абслугоўвання і сацыяльнай дапамогі Міністэрства працы і сацабароны Мікалай Арол, піша БелТА.
Сярод названых каля 800 ветэранаў — 427 удзельнікаў і інвалідаў вайны. Таксама чыноўнік згадаў пра 6,3 тысячы асоб, што пацярпелі ад наступстваў вайны, у тым ліку 5,6 тысячы — былыя вязні нацысцкіх канцлагераў.
Пры гэтым варта разумець, што колькасць непасрэдных удзельнікаў вайны нашмат меншая за лічбы, якія агучваюцца чыноўнікамі, паколькі, паводле беларускага заканадаўства, ветэранамі ВАВ лічацца і тыя, хто прымаў удзел «у ліквідацыі нацыяналістычнага падполля на тэрыторыі Украіны, Беларусі і балтыйскіх краін да канца 1951 года».
Сярэдні ўзрост удзельнікаў і інвалідаў вайны — 99 гадоў. Сярод іх 55% — мужчыны, 45% — жанчыны. Найбольшая колькасць ветэранаў жыве ў Мінску і Мінскай вобласці. Самым «маладым» удзельнікам — партызанам і падпольшчыкам — у сярэднім 90—91 год.
Найстарэйшаму ўдзельніку вайны ў студзені споўнілася 105 гадоў. Ён узнагароджаны двума баявымі ордэнамі і ордэнам за працоўныя заслугі. Пасля вайны ён 45 гадоў, як паведамляецца, працаваў над адбудовай краіны.
Выплаты матэрыяльнай дапамогі ветэранам сёлета пачаліся 2 мая і працягнуцца да 8 мая. Сумы дапамогі: 5 тысяч рублёў— удзельнікам і інвалідам вайны, 2,5 тысячы — іншым катэгорыям ветэранаў, 1,5 тысячы — асобам, што пацярпелі ад вайны.
У параўнанні з мінулым годам памеры дапамогі павялічыліся на 20%. На гэта выдзелена каля 13 мільёнаў рублёў. Усяго дапамогу атрымаюць больш за 7 тысяч чалавек.
Па стане на 5 мая выплаты атрымалі ўжо 97% тых, каму яны прызначаны. Астатнія атрымаюць грошы ў найбліжэйшыя дні.
«Гэта нешта жудаснае». Дэлегацыя чыноўнікаў прыйшла павіншаваць 103-гадовага ляжачага ветэрана
Ветэраны некалькі дзён змогуць бясплатна тэлефанаваць па міжгорадзе. Але не на мабільны
У беларускім раёне са 100-тысячным насельніцтвам не засталося ніводнага ветэрана Другой сусветнай
Ветэранам вайны рыхтуюцца выплаціць штогадовыя дапамогі. А колькі іх засталося?
Некаторых ветэранаў тылу ў Беларусі прызнаюць удзельнікамі Вялікай Айчыннай вайны
Цяпер чытаюць
«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч5
Каментары