«Будзем ваяваць, колькі трэба. Мы ваявалі са Швецыяй 21 год». Мядзінскі на перамовах пагражаў захапіць Сумы і Харкаў
Падчас перамоў у Стамбуле кіраўнік расійскай дэлегацыі Уладзімір Мядзінскі пагражаў анексаваць яшчэ дзве вобласці і праводзіў гістарычныя паралелі з Паўночнай вайной, пiша журналіст The Economist Олівер Кэрал.
Памочнік Пуціна, гісторык Уладзімір Мядзінскі, на перамовах з украінскай дэлегацыяй у Стамбуле заявіў, што Расія гатовая ваяваць колькі заўгодна, і прывёў у прыклад Паўночную вайну XVIII стагоддзя.
Пра гэта журналісту The Economist расказалі некалькі інфармаваных крыніц.
«Кіраўнік расійскай дэлегацыі Мядзінскі выказаўся так: «Мы не хочам вайны, але гатовыя ваяваць год, два, тры — колькі спатрэбіцца. Са Швецыяй мы ваявалі 21 год. А вы на колькі гатовыя ваяваць?»
Мядзінскі працягнуў: «А Пятра Вялікага… ведаеце, хто фінансаваў? Англія і Францыя. Швецыя дагэтуль была б вялікай дзяржавай, калі б не гэта». Мне паведамілі, што падобная рыторыка была звычайнай у ходзе абмеркаванняў», — напісаў Кэрал.
Па яго інфармацыі, расійскі бок сапраўды запатрабаваў вываду ўкраінскіх войскаў з Харкаўскай, Запарожскай, Данецкай і Луганскай абласцей. Расіяне таксама пагражалі захапіць Харкаўскую і Сумскую вобласці.
«Можа быць, нехта з вас, хто сядзіць за гэтым сталом, страціць яшчэ больш сваіх родных. Расія гатовая змагацца вечна», — цытуе журналіст яшчэ адно выказванне Мядзінскага.
Кіраўнік украінскай дэлегацыі Рустэм Умераў не стаў каментаваць гэтую інфармацыю падчас камунікацыі з прэсай.
Умераў і Мядзінскі выступілі з кароткімі заявамі па выніках перамоў. Зяленскі і лідары ЕС разам сазваніліся з Трампам
Дэлегацыі Украіны і Расіі на перамовах у Стамбуле размаўлялі праз перакладчыка
Міністр абароны Украіны назваў прапановы Украіны
ЕС абмяркоўвае ўвядзенне карных пошлін супраць Расіі
Украіна і Расія дамовіліся абмяняцца ваеннапалоннымі па формуле «1000 на 1000»
Перамовы ў Стамбуле завяршыліся. Масква патрабуе здачы Украінай чатырох абласцей
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары
Хороший россиянин это холодный россиянин. А переговоры только через прицел.
Эти выродки понимают только силу.