У Івацэвіцкай калоніі пасля навіны пра смерць зняволенага ўключылі ацяпленне
Ацяпленне ўключылі па распараджэнні вышэйшага начальства ў суботу, нягледзячы на тое, што гэта быў выхадны дзень. Падставай стала агалоска факту смерці зняволенага, піша Mayday Team.
Памерламу мужчыну, як сцвярджаецца, было каля 50 гадоў, і ён трапіў у гэтую калонію разам з сынам.
Больш за тое, гэта нібыта была не адзіная смерць за апошні месяц у Івацэвіцкай калоніі, аднак мы ні пацвердзіць, ні абвергнуць гэтую інфармацыю пакуль не ўдалося.
28 красавіка паведамлялася пра верагодную эпідэмію кавіду ў гэтай установе. Зняволеныя хварэлі цэлымі атрадамі, а лячылі іх толькі парацэтамолам. Пра тое, што сімптомы хваробы вельмі нагадваюць каранавірус, самі зняволеныя перадавалі на волю.
Частку самых цяжка хворых вывезлі ў Мінск, у Рэспубліканскую турэмную бальніцу.
З-за замаразкаў у бараках калоніі стаяў холад. Адміністрацыя калоніі рознымі спосабамі абвяргала інфармацыю пра рост захворвання, а калі навіна трапіла ў недзяржаўныя СМІ, пачала пагражаць адказнасцю за перадачу звестак «экстрэмісцкім» рэсурсам.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна7
Каментары