Туркменскага студэнта, які парушыў правілы дарожнага руху, паказальна выслалі з Беларусі, запалохваючы астатніх
У дачыненні да грамадзяніна Туркменістана, які раней парушыў правілы дарожнага руху, было прынята рашэнне аб яго высылцы з Беларусі на адзін год. Хлопец кіраваў аўтамабілем без пасведчання кіроўцы. Рашэнне аб высылцы агучылі публічна ва ўніверсітэце, сабраўшы цэлую аўдыторыю іншых замежных студэнтаў.
Туркменскі грамадзянін, якога выслалі, раней вучыўся ў Брэсцкім дзяржаўным універсітэце, жыў у Брэсце, меў сям’ю і дазвол на жыхарства.
Рашэнне аб высылцы агучылі публічна ў сценах універсітэта з «выхаваўчымі мэтамі», каб «паказаць іншым замежным студэнтам, да чаго можа прывесці парушэнне закона».
Падчас паказальнага мерапрыемства сілавікі падкрэслівалі, што для іншаземцаў у Беларусі, маўляў, створаны добрыя ўмовы для жыцця, працы і навучання, але неабходна строга выконваць законы.
Некалькім студэнтам давялося даць пад запіс для цытавання сілавікамі некалькі хвалебных выказванняў пра Беларусь і яе парадкі.
Практыка падобных публічна-паказальных судоў апошнім часам у Беларусі не рэдкая, адно што толькі звычайна яна тычыцца беларускіх грамадзян.
Цяпер чытаюць
Пракуратура пра смерць Мелказёрава: журналіст меў хранічную хваробу13
Каментары
І толькі ў інтэрнеце хтосьці, пергалядзеўшы амерыканскіх серыялаў, нешта плявузгае пра нейкі там закон...