На поўдні Беларусі, у раёне ад Ельска да Лельчыц, геолагі вядуць пошукі ўрану. Пра гэта паведаміў дырэктар дэпартамента па геалогіі Міністэрства прыродных рэсурсаў і аховы навакольнага асяроддзя Уладзімір Карпук 1 красавіка на прэс‑канферэнцыі ў Мінску.
Паводле яго слоў, работы вядзе рэспубліканскае унітарнае прадпрыемства «Белгеа». «Мы валодаем інфармацыяй аб павышаных канцэнтрацыях парод, што ўтрымліваюць уран, якія мы адзначылі ў працэсе работ», — сказаў Карпук.
Паводле яго слоў, пошукі ўрану — адзін з перспектыўных кірункаў геалогіі. Як зазначыў намеснік генеральнага дырэктара РУП «Белгеалогія» Яраслаў Грыбік, супрацоўнікі «Белгеалогіі» пры здабычы карысных выкапняў зафіксавалі ў Беларусі сотні анамалій радыеактыўных элементаў. «Пытанне пра тое стаіць, з чым яны звязаныя: з уранам, фторыем або каліем», — сказаў спецыяліст. Паводле яго слоў, для вызначэння гэтага патрабуюцца дадатковыя даследаванні.
Цяпер чытаюць
Рыта Дакота набыла дом за некалькі мільёнаў даляраў каля Галівуда15
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары