Выдавецтва «Логвінаў» выпусціла другое выданне рамана «Шалом» мастака і пісьменніка Артура Клінава. Кніга выходзіла ў 2010 годзе і ўвайшла ў шорт-ліст Прэміі Гедройця. Цяпер раман надрукаваны ў новай рэдакцыі, піша Bellit.info.
«Гэта кніга, якая прымусіць вас па-іншаму зірнуць на наш свет. Прачытаўшы яе, вы нарэшце даведаецеся, ці ёсць сэнс жыцця, спасцігнеце таямніцу праклёну славянаў, навучыцеся зарабляць дваццаць тысяч еўра за месяц, зразумееце, як належыць паводзіцца ў выцвярэзніку і што трэба рабіць, калі да вас дахаты адно за адным прыходзяць пажарнік, участковы міліцыянт, цешча, поп і грамадзянін у шэрым паліто. Вы даведаецеся, як мыць валасы, не здымаючы шалома, і што трэба адказаць людзям, якія ўсё ж такі хочуць зняць яго з вашай галавы», — напісана ў анатацыі да кнігі.
Замовіць перавыданне рамана «Шалом» Артура Клінава можна праз сайт выдавецтва ці, напрыклад, праз сайт «Кнігаўкі» і крамы Kirma.sh.
Чаго чакае Польшча ад Мінска і ці закрые зноў мяжу на гэтым тыдні?6
Каментары