Грамадства44

Дыпламатычны дарадца Ціханоўскай расказаў, навошта яму званіў Борыс Джонсан

У новым выпуску «Жыцця-маліны» Дзяніс Кучынскі раскрыў некаторыя падрабязнасці кантактаў з былым прэм'ер-міністрам Вялікабрытаніі Борысам Джонсанам.

Борыс Джонсан. Фота: AP Photo / Alberto Pezzali, File

Сярод замежных палітыкаў, з якімі сустракалася Святлана Ціханоўская, быў і Борыс Джонсан — прэм'ер-міністр Вялікабрытаніі з ліпеня 2019 па верасень 2022 года. Першая сустрэча з палітыкам адбылася 3 жніўня 2021 года.

Як згадвае Кучынскі, гэта сустрэча была вельмі важнай для далейшых міжнародных кантактаў: «Калі ты ўжо сустрэўся на Даўнінг-стрыт з прэм'ер-міністрам [Вялікабрытаніі], ты можаш далей выбудоўваць працу на ўсіх іншых узроўнях».

Другі раз Святлана Ціханоўская сустрэлася з Борысам Джонсанам 7 сакавіка 2023 года.

Сустрэча Джонсана з Ціханоўскай 7 сакавіка 2023 года. Фота: Офіс Святланы Ціханоўскай

Па словах Кучынскага, падчас сустрэч Джонсан цікавіўся беларускай мовай, тым, наколькі яна падобная да ўкраінскай:

«Мы рабілі параўнанні словаў. Ён пытаецца, як будзе victory. Кажам: «Перамога». — А па-ўкраінску? — «Перемога». — А па-руску? — «Победа». Кажа, як будзе «дзякуй»?»

Кучынскі заўважае, што цікаўнасць да Беларусі ў Джонсана абумоўленая цікаўнасцю да Украіны. Прэм'ер-міністр Вялікабрытаніі быў адным з першых замежных лідараў, які наведаў Кіеў у 2022 годзе, пасля пачатку поўнамаштабнай ваеннай агрэсіі Расіі супраць Украіны.

Дыпламатычны дарадца Офіса Ціханоўскай згадвае, што сустракаўся з камандай Джонсана, якая вазіла яго ў Кіеў у 2022-м годзе.

«Яны расказвалі, як адбываўся візіт. Што яны зайшлі ў краму, купілі яму кніжку Цімаці Снайдэра, каб патлумачыць [кантэкст канфлікту]. І ён быў у гэтым вельмі зацікаўлены».

«Мы можам яго ацэньваць па-рознаму як палітыка, але як чалавек, які дбае, — гэта сапраўды важна», — даводзіць Кучынскі і згадвае:

«Я памятаю, калі «Люстэрка» папрасіла дапамогі, каб зрабіць з ім інтэрв'ю, я даў кантакты, мы дамовіліся. [Напярэдадні] было два тэлефанаванні. Спачатку [Джонсан] пазваніў ранкам. Пытаецца, як правільна прамаўляць: «Сяргей Ціханоўскі, Святлана Ціханоўская»?

На ўдакладняючае пытанне, ці гэта быў званок праз асістэнтаў, Кучынкі адказаў, што званіў непасрэдна Борыс Джонсан, з ім ён таксама перапісваецца ў чаце:

«Проста пазваніў ранкам ён наўпрост. Кажа: «Пару фактаў хачу сцвердзіць». І кажа пра Беларусь, пра сітуацыю. Кажа: «Так, я сапраўды хвалююся». Адказваю: «Не хвалюйцеся. Пра вас у Беларусі ведаюць». Ён кажа: «Можа, пасля гэтага інтэрв'ю стане горш». Вельмі класнае пачуцце гумару».

Каментары4

  • Эхма
    09.06.2025
    Если о тебе начинает волноваться этот господин - жди беды.
  • Ns
    09.06.2025
    Заразились стилем Андрея Колесникова - какого цвета обои и с каким узором посуда. Содержательного - ноль
  • Кантакты офіса з расійскім алігархам
    09.06.2025
    Дыпламатычны дарадца Ціханоўскай у тым жа інтэрв'ю распавядаў пра свае кантакты з расійскім алігархам Гусінскім. З якім яны па-сяброўску на "ты".

Цяпер чытаюць

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Усе навіны →
Усе навіны

Лукашэнка пракаментаваў збіццё сабакі ў Гродне і расказаў пра сваё трапяткое стаўленне да жывёл10

Дроны УСУ ўдарылі па двух расійскіх аб’ектах ВПК

Уладальніца беларускага брэнду жаночага адзення Moshe здзівілася шалёным цэнам канкурэнтаў11

Ізраіль наносіць новы ўдар па Іране3

«Прапанаваў грошы». Беларуска распавяла, як КДБ спрабаваў яе вербаваць1

Іранскія ракеты забілі 5 чалавек у Ізраілі, больш за 80 параненыя. Цэлі былі выпадковыя2

«У наш час у Хрыста была б жоўтая бірка». Былы палітвязень Аляксандр Тарасенка распавёў пра свой досвед за кратамі2

«Уратавалі заторы». Студэнтка спазнілася на фатальны рэйс Air India усяго на 10 хвілін, і яе не пусцілі на борт3

Аятала Хаменеі: Ізраіль адкажа за гэтыя атакі3

больш чытаных навін
больш лайканых навін

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Галоўнае
Усе навіны →

Заўвага:

 

 

 

 

Закрыць Паведаміць