Свет66

Ізраіль перахапіў судна з Грэтай Тунберг, якое ішло ў Газу

Ізраільскія вайскоўцы падняліся на борт судна Madleen з гуманітарнай дапамогай, якое ішло з Егіпта і накіроўвалася ў сектар Газа, паведамілі актывісты. На борце знаходзіцца экаактывістка Грэта Тунберг.

Ізраільскія ўлады, якія раней папярэдзілі, што не дапусцяць таго, каб судна дасягнула берагоў анклава, назвалі яго «сэлфі-яхтай», піша Бі-бі-сі.

«Сэлфі-яхта знакамітасцяў» паспяхова накіроўваецца да берагоў Ізраіля. Чакаецца, што пасажыры вернуцца ў свае родныя краіны», — заявілі ў МЗС.

«У той час як Грэта і іншыя спрабавалі ўстроіць медыйную правакацыю, адзінай мэтай якой было прыцягненне ўвагі грамадскасці, і якая ўключала менш за адзін грузавік гуманітарнай дапамогі, за апошнія два тыдні ў Газу з Ізраіля прыбыло больш за 1200 грузавікоў з гуманітарнай дапамогай. Акрамя таго, Гуманітарны фонд Газы раздаў каля 11 мільёнаў порцый ежы непасрэдна мірным жыхарам у Газе», — гаворыцца ў паведамленні міністэрства.

«Ёсць спосабы дастаўкі гуманітарнай дапамогі ў сектар Газа, якія не ўключаюць сэлфі ў інстаграме», — дадалі ў ведамстве і паабяцалі перадаць «нязначную колькасць гуманітарнай дапамогі» з судна актывістаў у Газу па гуманітарных каналах.

«Сувязь з Madleen згублена», — раней паведаміла ў тэлеграм-канале «Флатылія свабоды».

Арганізацыя таксама выклала фота, на якім людзі ў выратавальных камізэльках сядзяць з паднятымі рукамі.

У нядзелю міністр абароны Ізраіля прыгразіў «прыняць усе неабходныя меры», каб не дапусціць судна да берагоў Газы.

Разам з 22-гадовай Тунберг на борце судна Madleen, якое выйшла з Сіцыліі, знаходзяцца яшчэ адзінаццаць актывістаў. Яны збіраліся прарваць марскую блакаду Газы, уведзеную Ізраілем, і даставіць у анклаў гуманітарную дапамогу. У допісе ў X міністр абароны Ізраіля Ісраэль Кац заявіў, што даў указанне Арміі абароны Ізраіля не дапусціць судна да берага і прыняць для гэтага «ўсе неабходныя меры».

Звяртаючыся да Тунберг і іншых актывістаў, ён сказаў: «Вы павінны вярнуцца назад, бо вы не дасягнеце Газы. Я даў указанне Арміі абароны Ізраіля дзейнічаць так, каб флатылія Madleen не дасягнула берагоў Газы, і прыняць для гэтага ўсе неабходныя меры».

«Антысемітцы Грэце і яе саюзнікам, прапагандыстам ХАМАС, я ясна кажу: вам варта вярнуцца назад, бо вы не дасягнеце Газы. Ізраіль будзе дзейнічаць супраць любых спроб прарваць блакаду ці аказаць дапамогу тэрарыстычным арганізацыям — на моры, у паветры і на сушы».

Актывістка Грэта Тунбэрг на захопленым ізраільскімі вайскоўцамі судне. Фота: Israel Foreign Ministry / X

У адказ на заяву Каца «Флатылія свабоды» назвала яе «яшчэ адным прыкладам пагрозы Ізраіля незаконным выкарыстаннем сілы супраць мірных жыхароў і спробай апраўдаць гэтае гвалт паклёпніцкімі заявамі».

«Мы не паддадзімся запалохванню, — гаворыцца ў заяве. — Свет сочыць за намі. І ніякая сіянісцкая прапаганда не зможа схаваць праўду: Ізраіль ажыццяўляе генацыдную блакаду з дапамогай грубай ваеннай сілы, адкрыта парушаючы міжнароднае права і асноўныя нормы чалавечай прыстойнасці».

На борце судна, якім кіруе кааліцыя «Флатылія свабоды», таксама знаходзіцца Рыма Хасан, французскі член Еўрапарламента палесцінскага паходжання. Яе ўезд у Ізраіль забаронены з-за яе апазіцыі палітыцы Ізраіля ў дачыненні да палесцінцаў.

У допісе ў сацсетцы X яна напісала: «У нас засталося менш за 24 гадзіны да таго, як мы будзем незаконна затрыманыя ізраільскімі ўладамі, якія хочуць перашкодзіць нам дабрацца да сектара Газа. Калі мы больш не зможам выходзіць на сувязь, я разлічваю на тое, што вы працягнеце мабілізацыю, якая была для нас так важная на працягу ўсяго гэтага падарожжа».

Папярэдняя спроба «Флатыліі свабоды» дабрацца да Газы па моры ў маі скончылася няўдачай пасля таго, як яшчэ адно судна кааліцыі было атакавана двума беспілотнікамі падчас плавання ў міжнародных водах каля берагоў Мальты, у выніку чаго была пашкоджана насавая частка судна. Актывісты абвінавацілі ў гэтым Ізраіль.

Каментары6

  • Беларус
    09.06.2025
    А ў ЛДНР гэтыя блазны ня хочуць сплаваць? "Прарваць блакаду" ды спыніць катаваньні і генацыд? Ці гэта трохі іншае і рашысцкая арда - гэта зусім ня цывілізаванае войска Ізраіля, а таму ёсьць ёсьць рэальны шанец не напіліць фотачак, а паўтарыць жудасны лёс Вікторыі Рошчынай?
  • Канечне
    09.06.2025
    Чырвоныя Чаравічкі ,
    Ёсць што хаваць.
    Яны там дэсантуюцца
    Нафоткаюць мертвенькіх ды скалечаных дзетак.
    А потым гэта ўсё выйдзе на вокладках і першых паласах еўрапейскіх часопісаў.
    Будзе скандал як з тым патанулым хлопчыкам.
  • Цікава
    09.06.2025
    Яна яшчэ жывая, я бы на месцы ізраільцянаў вывез бы яе у які небудзь дзікі ісламастан на тыдзень. А там ёй бы ужо мясцовыя вытлумачаць хто яна і дзе месца жанчыны у гэтай цудоўнай рэлігіі

Цяпер чытаюць

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Усе навіны →
Усе навіны

«Кожны раз даказваю, што я чалавек». Сям'я беларусаў з польскімі каранямі чатыры гады спрабуе атрымаць ДНЖ у Польшчы13

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком7

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё24

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек7

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

Хлопчыкі ўжо не ў модзе? Бацькі ўсё часцей хочуць дачок4

У Беларусі зноў сабралі грошы на лячэнне дзіцяці з СМА1

больш чытаных навін
больш лайканых навін

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Галоўнае
Усе навіны →

Заўвага:

 

 

 

 

Закрыць Паведаміць