Вайна22

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?

Шмат украінцаў, і не толькі іх, былі шакаваныя і абураныя, калі ўбачылі фатаграфію надпісу «Слава Расіі», які быў выбіты на жываце ўкраінскага вайскоўца, што вярнуўся з расійскага палону. Здымак здаваўся настолькі бессэнсоўна жорсткім, што не ўсе паверылі ў яго рэальнасць, піша Бі-бі-сі — Украіна.

Украінскія дактары рыхтуюцца да аперацыі па вывядзенні шнара

Упершыню фатаграфію апублікаваў у сетцы Х акаўнт Clash Report. Пазней украінскія ўлады і медыкі, што лечаць вызваленага вайскоўца, пацвердзілі сапраўднасць здымка і той факт, што гэты чалавек сапраўды быў у палоне.

Яго завуць Андрэй — і гэта ўсё, што могуць распавесці дактары пра яго асобу, не парушыўшы медыцынскай этыкі. Але яны могуць расказаць больш пра сам шнар і працэс лячэння.

Журналісты паразмаўлялі з медыкамі і супрацоўнікамі праваахоўных органаў, каб высветліць, хто, як і навошта мог гэта зрабіць.

Тая самая фатаграфія, што разляцелася ў інтэрнэце

«Доктар падчас агляду ў адным з рэгіянальных цэнтраў, дзе хлопцы праходзяць рэабілітацыю, проста не вытрымаў, сфатаграфаваў гэта і выклаў у сетку. Гэта — сведчанне таго, праз што праходзяць у палоне нашы абаронцы», — так пракаментаваў з’яўленне здымка прадстаўнік Галоўнага ўпраўлення разведкі Мінабароны Украіны Андрэй Юсаў у эфіры ўкраінскага тэлебачання.

Займацца шнарам вырашылі медыкі, што супрацоўнічаюць з нацыянальнай праграмай «Неапалімыя», якая бясплатна лечыць апёкі і шнары пацярпелых ад вайны.

«Андрэй з на дзіва добрым пачуццём гумару, у вельмі адэкватным псіхалагічным стане падыходзіць да лячэння», — распавядае кіраўнік праграмы Максім Туркевіч.

Ён — адзін з вайскоўцаў, што вярнуліся з расійскага палону ў выніку апошніх маштабных абменаў, пра якія Украіна і Расія дамовіліся ў Стамбуле.

У дактароў ёсць дастаткова даных, каб зрабіць выснову, хто і якім чынам зрабіў надпіс на целе ўкраінца.

«Не з мэтай катаванняў, а каб пакінуць след»

Дакладна зразумела, кажа Туркевіч, што гэта зрабіў хірург — «не санітар, не медсястра, гэта дакладна зрабіў кваліфікаваны, сур’ёзны хірург».

Украінскія дактары мяркуюць, што аперацыя была зробленая пад агульным наркозам

«Чыста тэхнічна гэта зроблена якасна, хоць і па-мудацку. Дакладна рабілася пад агульнай анестэзіяй, бо роўны шнар. Калі б пацыент быў у свядомасці, ён бы дрыгаўся, нават пры мясцовай седацыі такога роўнага (шнара) не было б».

І з гэтага можна зрабіць выснову, тлумачыць ён, што «гэта рабілася не з мэтай катаванняў, а каб пакінуць след».

Амаль напэўна, кажа Туркевіч, хірург зрабіў гэта электракаагулятарам — прыладай, якая выкарыстоўваецца ў дэрматалогіі для выдалення папілом, бародавак і т.п.

«Вельмі тонкі надпіс, тонкія рубцы. Калі б гэта рабілася з мэтай катаванняў у падвале паяльнікам, ён не быў б такім роўным і такім тонкім», — адзначае ён.

Відавочна, надпіс зрабілі падчас аперацыі, якую расіяне праводзілі ўкраінскаму палоннаму з-за ранення.

«У яго ёсць праблемы з жыватом, ёсць грыжа, ёсць асколачнае паражэнне пахавай зоны. Фактычна быў выбух снарада знізу, быў пралёт асколка, ёсць пашкоджанне мачавога пухіра. Вы можаце бачыць на фота, што ў яго стаіць мачаадвод», — тлумачыць Туркевіч.

Што будзе са шнарам

Наперадзе ў Андрэя больш за месяц стацыянарнага лячэння і некалькі аперацый, звязаных з яго асноўным раненнем. А пасля гэтага дактары пачнуць займацца выдаленнем надпісу з дапамогай лазераў.

Тым часам пацыенту робяць ін’екцыі, каб змякчыць рубцовую тканку і падрыхтаваць яе да больш агрэсіўнага ўмяшання.

«Потым будзе лячэнне лазерам, які непасрэдна дзейнічае на тканку. Будзе камбінаваны пратакол — розныя метады, тэхналогіі і апараты. Паводле нашых прагнозаў, адчувальны вынік (поўнае або частковае выдаленне шнара) будзе прыблізна праз шэсць месяцаў», — кажа Туркевіч.

Ён адзначае, што хірургічна выдаляць шнар у дадзеным выпадку нельга — з-за схільнасці пацыента да гіпертрафіі і келоідных рубцоў.

Украінскія праваахоўнікі адкрылі вялікае крымінальнае вытворчасць па катаваннях ваеннапалонных у месцах пазбаўлення волі ў Расіі, і выпадак Андрэя расследуюць у яго рамках, паведамілі Украінскай службе Бі-бі-сі ў Офісе генеральнага пракурора.

Дасудовае расследаванне ажыццяўляе СБУ, якая абяцала Бі-бі-сі неўзабаве даць больш інфармацыі па справе.

Каментары2

  • А што тут незразумелага?
    18.06.2025
    Нейкі вайсковы хірург, які рукі-ногі салдатам адпільваець, выцягнуў аскепкі.
    І адчуўшы, што добра папрацаваў на карысць ворага - пакінуў метачку.
    Маўляў, памятай, каму дзякаваць.
  • су
    18.06.2025
    А што тут незразумелага? , незразумелыя імя і прозвішча гэтага "хірурга" — каб ведаць, каму "падзякаваць", калі сустрэнецеся.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

«Не хацелі пакутаваць з беларускімі картамі на Booking». А ў выніку ледзь не трапілі на 400 еўра4

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць