Ад іранскага ракетнага ўдару ў Ізраілі загінула сям'я з Украіны, якая прыехала лячыць сямігадовую дачку ад лейкеміі
Бацька дзяўчынкі — вайсковец УСУ, ён застаўся ва Украіне.
У выніку прамога трапляння іранскай ракеты па жылым доме ў Бат-Яме загінула сям'я з Украіны, якая прыехала ў Ізраіль для лячэння сямігадовай Насці ад лейкеміі, піша канал «Израильские трудовые будни».
Усе загінулыя знаходзіліся ў кватэры ў момант удару. Загінулі:
- Насця Бурык, 7 гадоў;
- яе маці, Марыя Пашкурава, 30 гадоў;
- бабуля, Лена Пашкурова, 60 гадоў;
- Канстанцін Атовіч, 9 гадоў;
- Ілля Пашкураў, 13 гадоў.
Украінская сям'я прыбыла ў Ізраіль у снежні 2022 года пасля грамадскага збору сродкаў па ўсім свеце на лячэнне Насці.
Пасля частковай рэмісіі рак вярнуўся, нягледзячы на хіміётэрапію і перасадку касцявога мозгу.
Загінулыя бабуля, маці, Насця і два ўнукі знаходзіліся разам у момант удару іранскай ракеты.
Бацька дзяўчынкі, Арцём Бурык, служыць ва УСУ і застаўся ва Украіне, працягваючы збіраць сродкі на лячэнне дачкі.
Праз закрыццё паветранай прасторы перавозка цел ва Украіну часова немагчымая.
Цяпер чытаюць
Славацкі палітолаг, былы кіраўнік амерыканскага фонда PACT лабіруе збліжэнне з Лукашэнкам1
Каментары