Грамадства2727

Прапагандыст Мукавозчык апісаў, як праходзіць пасяджэнне камісіі па вяртанні. Калі ў вас былі ілюзіі, то пакіньце іх

Камісія ў той дзень разглядала восем зваротаў і вось якія рашэнні прыняла.

Пасяджэнні камісіі па вяртанні 17 чэрвеня 2025 года. Фота тут і далей: Генпракуратура

Прапагандыст Андрэй Мукавозчык у дзяржаўнай газеце «СБ. Беларусь сегодня» апісаў пасяджэнне камісіі па вяртанні генпракурора Шведа, якое было 17 чэрвеня. Мукавозчык — адзін з членаў гэтай камісіі.

На пасяджэнні разглядалі 8 зваротаў. Мукавозчык з'едліва прайшоўся па заяўніках.

Айцішнік Ф. з Польшчы ўдзельнічаў у пратэстах, але хацеў бы вярнуцца і прасіў даць гарантыі, што яго не пасадзяць. «Якія табе гарантыі? Азаронка ў закладнікі? Дык не дадзім жа», — піша Мукавозчык.

Сярод чальцоў камісіі — міністр унутраных спраў Іван Кубракоў і міністр інфармацыі Марат Маркаў

Іншы чалавек Ш. з'ехаў у В'етнам. Ён напісаў, што перасылаў адно фота пра ПВК «Вагнер», але гатовы кампенсаваць шкоду. Камісія па вяртанні знайшла ў яго 23 «шпіёнскія паведамленні» (не зразумела, што пад гэтым маецца на ўвазе).

Беларус Н. напісаў у звароце, што яго 10 жніўні збілі сілавікі. Але ён пазней напісаў адмову ад прэтэнзій.

Яшчэ адзін заяўнік К. раней рабіў данаты і ўжо некалькі разоў сплаціў «кампенсацыю» ў кратным памеры. Ён інвалід трэцяй групы. З тэксту падобна, што ён зарэгістраваўся ў нейкім фэйкавым пратэсным чаце, але, калі там паступіла дзіўная прапанова, выдаліў яго.

«І што ён такі зробіць, вярнуўшыся, не ведае ніхто», — палохае Мукавозчык.

Кіраўнік Белтэлерадыёкампаніі Іван Эйсмант і прапагандыст Рыгор Азаронак таксама рашаюць, каму з беларусаў дазволіць вярнуцца з-за мяжы

Што ж рашыла камісія? Толькі тром чалавекам (сярод іх — той, каго збілі 10 жніўня) паведамілі, што на іх няма ніякіх спраў на момант звароту.

Іншым паведамілі, што яны ці падазраваныя, ці абвінавачаныя па крымінальнай справе.

«Дваім жа грамадзянам — Д. і К. — камісія (зноў жа дзейнічаючы строга па ўказе) палічыла магчымым змякчыць выбраную ў дачыненні да іх меру стрымання. Гэта азначае, што пасля перасячэння мяжы замест заключэння пад варту яны змогуць «уз'яднацца з сям'ёй» або «працягваць лячэнне». Паралельна разбіраючыся з прэтэнзіямі ў свой адрас з боку праваахоўных органаў», — напісаў Мукавозчык.

Камісія па вяртанні, якую ўзначальвае генпракурор Андрэй Швед, была створана ў 2022 годзе. У лютым 2025 года сцвярджалася, што камісія разгледзела 241 зварот. Толькі па 30 далі станоўчы адказ, а вярнулася 20 чалавек.

Каментары27

  • c'mon get me
    20.06.2025
    Беларуciкi, дараженькiя, няужо няма у вас павагi да самiх сябе, няужо запамяталi пра гонар свой? Прабачэння просiце, пытанне: у каго? У тых катау, якiя працягваюць вас катаваць i забiвать? Робiце вы, а гiдка мне
  • 123
    20.06.2025
    Дуюць пысы, начальнiкi ж, вырашацелi лёсаў.
  • Зазеркалье
    20.06.2025
    Расскажешь кому - не поверят, "министры" сидят и рассматривают в лупу человека, который куда-то отправил фото или зашел в какой-то чат, или перевел кому-то 50 евро...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як глабальная змена клімату адаб’ецца на Беларусі? Не зусім так, як мы ўяўляем1

Як глабальная змена клімату адаб’ецца на Беларусі? Не зусім так, як мы ўяўляем

Усе навіны →
Усе навіны

ГУР паведаміла пра знішчэнне ўчастка расійскага газаправода, які абслугоўваў ВПК

Пуцін гатовы да пагаршэння адносін з Трампам і не будзе спыняць вайну11

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»17

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

больш чытаных навін
больш лайканых навін

Як глабальная змена клімату адаб’ецца на Беларусі? Не зусім так, як мы ўяўляем1

Як глабальная змена клімату адаб’ецца на Беларусі? Не зусім так, як мы ўяўляем

Галоўнае
Усе навіны →

Заўвага:

 

 

 

 

Закрыць Паведаміць