Лукашэнка сустрэўся са спецпасланнікам Трампа Кітам Келагам, паведаміў «Пул першага».
Ад амерыканскага боку быў таксама Джон Коўл, намеснік Келага. Іх апроч Лукашэнкі сустракалі кіраўнік КДБ Іван Церцель і прадстаўнік пры ААН Валянцін Рыбакоў.
Рыбакоў (муж Наталлі Пяткевіч) быў заадно перакладчыкам. А вось міністра замежных спраў Максіма Рыжанкова не паклікалі.
«У парадку дня перамоваў Лукашэнкі і Келага былі міжнародная праблематыка і сітуацыя ў свеце ў цэлым, рэгіянальная тэматыка і беларуска-амерыканскія адносіны», — дадада прэс-служба Лукашэнкі.
Пра тое, што спецыяльны прадстаўнік прэзідэнта ЗША па пытаннях Украіны Кіт Келаг плануе ў найбліжэйшыя дні наведаць Беларусь, каб сустрэцца з Аляксандрам Лукашэнкам, паведаміў у сераду Reuters са спасылкай на чатыры крыніцы.
Паводле слоў дзвюх крыніц, дакладны парадак дня быў невядомы, хаця Келаг у прыватных размовах назваў гэтую паездку крокам, які можа дапамагчы запусціць працэс мірных перамоў па спыненні вайны Расіі супраць Украіны.
Дзярждэп ЗША і пасольства Беларусі ў Вашынгтоне адмовіліся ад каментароў. Келаг і Белы дом не адказалі на запыты пра каментары.
Па інфармацыі «Нашай Нівы», візіт планаваўся на пятніцу, 20 чэрвеня. З нагоды прыезду амерыканскага прадстаўніка, як чакаецца, будзе вызваленая група палітвязняў.
Цяпер чытаюць
Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі45
Каментары