Распісаліся яны ў 2021 годзе ў ЗША, паведамляе «Судова-юрыдычная газета» Украіны.
Кіеўскі суд прызнаў, што паміж мужчынамі ёсць факт пражывання адной сям'ёй — то-бок, наяўнасці шлюбных адносін. Гаворка ідзе пра першага сакратара амбасады Украіны ў Ізраілі Зарана Кіся і ўкраінскага грамадскага актывіста Цімура Ляўчука.
Адзін з мужчын з 2024 года знаходзіцца на дыпламатычнай службе за мяжой і спрабуе атрымаць дазвол на ўз'яднанне з партнёрам, якой цяпер знаходзіцца ва Украіне. Раней ім у гэтым адмаўлялі — Украіна лічыла б кагосьці членам сям'і толькі ў тым выпадку, калі гэта саюз мужчыны і жанчыны.
Таму мужчыны вырашылі звярнуцца ў суд для прызнання факту наяўнасці шлюбных адносін паміж імі.
Яны паведамілі суду, што пражываюць адной сям'ёй, як грамадзянскія партнёры, з 2013 года. Пры гэтым у 2017 годзе яны правялі грамадзянскую цырымонію шлюбу, а ўжо ў 2021 годзе заключылі шлюб у ЗША, пра што ёсць адпаведнае пасведчанне аб шлюбе амерыканскага ўзору.
Працэдура доказы факту сумеснага пражывання адной сям'ёй апынулася досыць няпростай — у судзе былі дапытаныя сведкі, якія распавялі, што мужчыны ўжо даўно пражываюць разам, вядуць сумесны побыт, разам купляюць рэчы, ежу, набылі аўтамабіль і наогул з'яўляюцца паўнавартаснай сям'ёй.
Таксама ў судзе даследаваліся сямейныя фота мужчын, фота з цырымоніі іх шлюбу, квіткі на авіярэйсы і падобнае.
Цяпер чытаюць
Чакаецца новы раўнд перамоваў між Беларуссю і ЗША — літоўскі СМІ8
Каментары
P.S. У сэнсе: добра, што няма крымінальнай забароны :))) А наогул ... нічога добрага у такой сітуацыі. Прабачце.