Партугальскі футбаліст, які загінуў у аўтакатастрофе, паехаў машынай, бо ляцець самалётам забаранілі дактары
Сталі вядомыя абставіны гібелі футбаліста «Ліверпуля» і зборнай Партугаліі Дыёгу Жоты. 28-гадовы гулец разам з братам разбіўся на поўначы Іспаніі.
Photo by James Gill — Danehouse/Getty Images.
Як паведамляе BBC Sport, Жота збіраўся на машыне вярнуцца ў Брытанію да панядзелка. Ён выехаў з Порту і накіроўваўся ў Сантандэр, адкуль ходзяць паромы ў англійскія Плімут і Портсмут.
Ляцець на самалёце футбалісту забаранілі медыкі пасля аперацыі на лёгкіх. Аднак у ноч з серады на чацвёр Lamborghini Жоты вылецеў з дарогі праз шыну, што лопнула. Футбаліст «Ліверпуля» загінуў разам з братам Андрэ Сілвай, які ехаў разам з ім.
Месца гібелі Дыёгу Жоты. Photo by Nico Rodriguez/Anadolu via Getty Images.
28-гадовага Жоты не стала праз лічаныя дні пасля вяселля. У Порту ён ажаніўся са сваёй партнёркай, з якой у футбаліста нарадзіліся трое дзяцей.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы18
Каментары
[Зрэдагавана]