Дэпутат Гайдукевіч заклікаў нападаць на апазіцыянераў за мяжой: Гэты ўчынак будзе залічаны пры вяртанні
«Бярэш пустое вядро, пластмасавае, каб не параніць».
Скрыншот відэа
2 ліпеня 2025 года адбыўся напад на палітыка Паўла Латушку падчас лекцыі з нагоды 35-годдзя Усходнееўрапейскага інстытута пры Варшаўскім універсітэце. Студэнт Варшаўскага ўніверсітэта Яўген Казанцаў кінуў у яго смеццевы бак. За гэта яму прысудзілі штраф у памеры 6000 злотых (больш за 1400 еўра) і дэпартацыю.
Дэпутат Алег Гайдукевіч на фоне гэтых падзей вырашыў даць арыгінальную параду, як людзям, якія з'ехалі праз палітыку, можна вярнуцца на радзіму.
«Вось што трэба рабіць. Бярэш пустое вядро, пластмасавае, каб не параніць. Кідаеш у іх вядро і вяртаешся дадому. Гэты ўчынак будзе залічаны», — выказаўся ён у сваім тэлеграм-канале.
Каментары