У Мінску прадаюць з аўкцыёну спарткомплекс з убудаванай царквой
У Мінску з аўкцыёну прадаюць незвычайны спартыўны комплекс, які адначасова з'яўляецца і рэлігійным аб'ектам. Гаворка ідзе пра будынак фізкультурна-аздараўленчага комплексу ЗАТ «Атлант» па вуліцы Сапёраў, 5. Асаблівасць гэтага ФОКа ў тым, што на чацвёртым паверсе ў ім знаходзіцца праваслаўная царква, а на даху — залачоны купал са званіцай, піша Blizko.by.
Комплекс быў пабудаваны ў канцы 1990-х на тэрыторыі завода «Атлант» па праекце архітэктаркі Алы Прасяной. Стварэнне царквы стала магчымым дзякуючы ініцыятыве тагачаснага дырэктара прадпрыемства Леаніда Калугіна.
Цікава, што мясцовая рэлігійная грамада носіць назву «Прыход храма праведнага Іаана Кранштадтскага», але сама царква прысвечана Іаану Рыльскаму. Першапачаткова планавалася зрабіць большы храм у вялікай зале на другім паверсе, але ад гэтай ідэі адмовіліся, і цяпер прыходу выдзелены новы ўчастак для будаўніцтва асобнага храма.
Сам спартыўны комплекс уключае некалькі залаў: трэнажорную, гімнастычную, залы для адзінаборстваў, фітнэсу, настольнага тэніса, а таксама більярдную, пакой для дартса, дзве саўны з басейнам, масажны і касметычны кабінеты, цырульню, кафэ-бар і нават швейнае атэлье. Агульная плошча будынка — амаль 12 тысяч квадратных метраў.
Стартавая цана на аўкцыёне — 22,6 мільёна беларуских рублёў. З улікам усіх плацяжоў будынак можа абысціся купцу прыкладна ў 24 мільёны рублёў (каля 8,2 мільёна даляраў).
Аўкцыён адбудзецца 15 жніўня ў 11:00.
Загубіла жыццё праваслаўнага дырэктара, які хацеў стаць прэзідэнтам. Гісторыя самай дзіўнай царквы Мінска
Марыніч, Казулін, Чыгір: як распраўляліся з былымі топ-чыноўнікамі, якія кінулі выклік Лукашэнку
Былы гендырэктар завода халадзільнікаў Калугін, які ішоў у прэзідэнты, стаў манахам Ніканам і жыве пад Дрыбінам
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай88
Каментары