Грамадства22

Траіх палітвязняў асудзілі па справе ініцыятывы «письмо.бел»

На мінулым тыдні ў Мінску вынеслі прысуд тром палітвязням, якіх абвінавацілі ва «ўдзеле ў экстрэмісцкім фармаванні» (арт. 361-1 Крымінальнага кодэкса): Аляксандру Мазуру, Паўлу Каранюхіну і Аляксандру Лыкшыну, піша «Вясна».

Злева направа: Аляксандр Лыкшын, Аляксандр Мазур, Павел Каранюхін

Суд прызначыў Мазуру і Каранюхіну тры гады і шэсць месяцаў зняволення, а Лыкшыну — тры гады і сем месяцаў пазбаўлення волі ва ўмовах узмоцненага рэжыму. Таксама ім прызначылі па 1000 базавых велічыняў штрафу кожнаму.

Па версіі КДБ, мужчыны маюць дачыненне да ініцыятывы «письмо.бел», якую прызналі «экстрэмісцкім фармаваннем» праз месяц пасля затрымання палітвязняў.

«Письмо.бел» — сэрвіс для адпраўкі лістоў зняволеным, якім карысталіся тысячы беларусаў. Ініцыятыва ў тым ліку дапамагала беларусам заставацца на сувязі з палітзняволенымі, нягледзячы на вымушаную эміграцыю. Пры гэтым толькі 10% лістоў ішлі палітвязням, у асноўным сэрвіс быў разлічаны на звычайных асуджаных. Таксама карыстальнікі прымалі ўмовы рэсурсу — не парушаць патрабаванні МУС і не адпраўляць забароненую інфармацыю.

Спачатку, у лістападзе 2023 года, у Жодзіне былі затрыманыя Ігар Вуглік і Аляксандр Лыкшын, якія нібыта з'яўляліся арганізатарамі сэрвісу. Сілавікі тады паведамілі, што змаглі атрымаць доступ да базы заказаў, плацежных звестак, асабістых даных карыстальнікаў і тэкстаў лістоў.

Але, па інфармацыі «Вясны», сілавікі не змаглі атрымаць доступ да сэрвісу, а ўсе асабістыя даныя тых, хто дасылае лісты, захоўваюцца на пошце. Па выніку ж у сакавіку 2023 года Ігара і Аляксандра асудзілі да двух з паловай гадоў «хатняй хіміі».

Роўна праз год, у лістападзе 2024 года, Аляксандра Лыкшына зноў затрымалі. Разам з ім па крымінальнай справе праходзілі таксама Аляксандр Мазур і Павел Каранюхін. Адразу пасля затрымання мужчын з'явілася інфармацыя пра прызнанне сайта ініцыятывы «письмо.бел», а таксама яе старонак у сацсетках «экстрэмісцкімі матэрыяламі». Ужо напачатку снежня перастаў адкрывацца сайт ініцыятывы, ён недасяжны ў Беларусі і за межамі краіны.

12 снежня 2024 года КДБ абнавіў спіс «экстрэмісцкіх фармаванняў», куды трапіла і ініцыятыва «письмо.бeл». Пры гэтым у рашэнні ведамства пазначаныя лістападаўскія даты. Да ініцыятывы, паводле КДБ, дачыненне маюць Аляксандр Мазур, Сяргей Антусевіч, Павел Красоўскі, Павел Каранюхін, Аляксандр Лыкшын.

Вядома, што спачатку Мазура, Каранюхіна і Лыкшына ўтрымлівалі на «сутках» паводле адміністрацыйных справаў. Але пазней іх перавялі ў следчую турму № 8 у Жодзіне ў межах крымінальнай справы. Іх абвінавацілі паводле арт. 361-1 Крымінальнага кодэкса (стварэнне экстрэмісцкага фарміравання або ўдзел у ім).

Каментары2

  • Ашот Кандратавіч Вожык
    18.08.2025
    Паглядзім , якія зь іх ,,сілавікі,, .
  • Serge
    19.08.2025
    Толькі жорсткія санкцыі могуць спыніць рэпрэсіі.

Цяпер чытаюць

У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй21

У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй

Усе навіны →
Усе навіны

Трамп пагражае даць Кіеву Tomahawk, калі Пуцін не скончыць вайну. Што могуць змяніць гэтыя ракеты?4

Колькі БТ плаціць людзям, якія здымаюцца ў масоўцы на іх шоу?8

Разлом тэктанічнай пліты ля ўзбярэжжа ЗША пагражае найбуйнейшым землятрусам4

«Цячэ дах, адключылі святло, часткова разрабавалі». Такі дом здаюць у арэнду ў Мінску1

Германія спыняе фінансаванне Форуму гістарычных даследаванняў Беларусі32

Маладога ветэрынара з вёскі пад Слуцкам асудзілі за палітыку

На станцыі метро «Пятроўшчына» адбыўся інцыдэнт з пасажырам. Станцыю закрывалі

У матчы Уэльс — Бельгія на поле выбег пацук3

Прэзідэнт Мадагаскара заявіў, што з'ехаў на фоне пратэстаў у бяспечнае месца, каб захаваць сваё жыццё

больш чытаных навін
больш лайканых навін

У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй21

У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй

Галоўнае
Усе навіны →

Заўвага:

 

 

 

 

Закрыць Паведаміць