У Івацэвіцкім раёне на аўкцыён паўторна выставілі Целяханскі завод сталярных вырабаў, шырока вядомы як айчынны вытворца лыжаў. Заснаванае яшчэ ў савецкія часы прадпрыемства назбірала вялікія даўгі і цяпер не можа працаваць нармальна, нягледзячы на шматгадовыя спробы аздараўлення.
Таргі прызначаныя на 5 верасня 2025 года, а заяўкі прымаюцца з 20 жніўня да 4 верасня. Гэтай вясной завод ужо хацелі прадаць за 2,08 мільёна рублёў, цяпер жа кошт павялічылі да 2,456 мільёна. Але паколькі таргі ідуць на паніжэнне, то ўжо цяпер мінімальная цана складае 1,372 мільёна.
Гісторыя завода пачалася яшчэ ў 1950-х. У 1974 годзе на базе будаўнічага ўчастка ў Целяханах адкрыўся цэх дрэваапрацоўкі, які ў 1980 годзе ператварыўся ў самастойны завод сталярных вырабаў. Асноўнай прадукцыяй былі сталярныя тавары і вядомыя на ўсю краіну лыжы.
У часы незалежнасці завод паступова занепадаў, апошнія 10 гадоў рабілася некалькі спроб яго выратаваць, але нягледзячы ні да што да красавіка 2025 года даўгі заводу дасягнулі 2,85 мільёна рублёў, з іх амаль 80 % былі пратэрмінаваныя. Таму суд Брэсцкай вобласці пастанавіў прадаць завод разам з абсталяваннем, сыравінай і гатовай прадукцыяй, і да канца сакавіка 2026 года прадпрыемства павінна знайсці новага ўладальніка.
Першыя таргі прайшлі 26 траўня, але пакупніка тады не знайшлося.
Кватэру плыўчыхі Аляксандры Гераcімені не змаглі прадаць на аўкцыёне
Закінуты санаторый на Браслаўскіх азёрах зноў трапіў на аўкцыён. Тры гады таму інвестар купіў яго за рэкордную суму
За права забіць чарговага мядзведзя паляўнічы заплаціў больш за 117 тысяч рублёў
У Мінску прадаюць мікракватэру ў 18 квадратаў. Стартавая цана — 19 500 даляраў
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары