U Cielachanach pradajuć zavod, na jakim vypuskalisia biełaruskija łyžy
U Ivacevickim rajonie na aŭkcyjon paŭtorna vystavili Cielachanski zavod stalarnych vyrabaŭ, šyroka viadomy jak ajčynny vytvorca łyžaŭ. Zasnavanaje jašče ŭ savieckija časy pradpryjemstva naźbirała vialikija daŭhi i ciapier nie moža pracavać narmalna, niahledziačy na šmathadovyja sproby azdaraŭleńnia.
Tarhi pryznačanyja na 5 vieraśnia 2025 hoda, a zajaŭki prymajucca z 20 žniŭnia da 4 vieraśnia. Hetaj viasnoj zavod užo chacieli pradać za 2,08 miljona rubloŭ, ciapier ža košt pavialičyli da 2,456 miljona. Ale pakolki tarhi iduć na panižeńnie, to ŭžo ciapier minimalnaja cana składaje 1,372 miljona.
Historyja zavoda pačałasia jašče ŭ 1950-ch. U 1974 hodzie na bazie budaŭničaha ŭčastka ŭ Cielachanach adkryŭsia cech drevaapracoŭki, jaki ŭ 1980 hodzie pieratvaryŭsia ŭ samastojny zavod stalarnych vyrabaŭ. Asnoŭnaj pradukcyjaj byli stalarnyja tavary i viadomyja na ŭsiu krainu łyžy.
U časy niezaležnaści zavod pastupova zaniepadaŭ, apošnija 10 hadoŭ rabiłasia niekalki sprob jaho vyratavać, ale niahledziačy ni da što da krasavika 2025 hoda daŭhi zavodu dasiahnuli 2,85 miljona rubloŭ, ź ich amal 80 % byli praterminavanyja. Tamu sud Bresckaj vobłaści pastanaviŭ pradać zavod razam z abstalavańniem, syravinaj i hatovaj pradukcyjaj, i da kanca sakavika 2026 hoda pradpryjemstva pavinna znajści novaha ŭładalnika.
Pieršyja tarhi prajšli 26 traŭnia, ale pakupnika tady nie znajšłosia.
Kvateru płyŭčychi Alaksandry Hieracimieni nie zmahli pradać na aŭkcyjonie
Zakinuty sanatoryj na Brasłaŭskich aziorach znoŭ trapiŭ na aŭkcyjon. Try hady tamu inviestar kupiŭ jaho za rekordnuju sumu
Za prava zabić čarhovaha miadźviedzia palaŭničy zapłaciŭ bolš za 117 tysiač rubloŭ
U Minsku pradajuć mikrakvateru ŭ 18 kvadrataŭ. Startavaja cana — 19 500 dalaraŭ
Kamientary