«Мікалай Мікалаевіч проста так не пасылае, значыць былі падставы», — адказаў падпалкоўнік Антон Санкевіч.
Блогер Андрэй Павук патэлефанаваў на гарачую лінію ў МУС. У той дзень там дзяжурыў начальнік упраўлення ідэалагічнай работы МУС Антон Санкевіч. Размову блогер апублікаваў у «Шухер-шоу» на «Белсаце».
Павук паскардзіўся падпалкоўніку, што яго груба паслаў камандуючы ўнутранымі войскамі Мікалай Карпянкоў.
«Мікалай Мікалаевіч проста так не пасылае, значыць былі падставы», — адказаў Санкевіч.
Ён спытаў, пры якіх умовах тое здарылася. Блогер патлумачыў, што званіў Карпянкову спытаць, чаму яго супрацоўнікі разграмілі кватэру Павука.
«Я не ведаю, што з табой будзе, калі мы цябе знойдзем», — пагражаў яму Карпянкоў.
«Ну правільна зрабіў, у чым праблема?» — пракаментаваў гэта Санкевіч.
У выніку блогер па прыкладзе Карпянкова паслаў ідэолага МУС. Той абурыўся і паабяцаў, што складзе на яго рапарт і Павуку будзе пагражаць адміністрацыйнае спагнанне мінімум.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары