Міністр унутраных спраў Іван Кубракоў заявіў, што тэрмін спрошчанай рэгістрацыі хуткасных электрасамакатаў і падобных прылад могуць падоўжыць.
Паводле новых правіл дарожнага руху, электрасамакаты, здольныя развіваць хуткасць больш за 25 км/г, неабходна зарэгістраваць у ДАІ пасля праверкі і атрымання электроннага пашпарта ў адной з лабараторый.
Пакуль, аднак, калі верыць Івану Кубракову, ДАІ нацэленая не на прыцягненне да адказнасці, а на тлумачэнне новых правіл.
«Ніхто нікога не будзе прыцягваць да адміністрацыйнай адказнасці. Рэкамендаваць, расказваць, тлумачыць, куды звярнуцца — так, будуць, але прыцягваць да адказнасці не будуць», — цытуе Кубракова тэлеграм-канал МУС.
Паводле ўказа, падпісанага ў верасні 2025 года, зарэгістраваць транспарт трэба да 1 верасня 2026 года. Калі хто не паспее, то МУС можа звярнуцца да Лукашэнкі з просьбай падоўжыць тэрмін дзеяння ўказа.
Рэгістрацыя праходзіць у два этапы: спачатку трэба атрымаць электронны пашпарт у адной з 25 акрэдытаваных лабараторый (спіс даступны на сайце Дзяржстандарта), а пасля гэтага — зарэгістраваць прыладу ў ДАІ. Ездзіць на транспарце можна толькі ў шлеме, па дарогах і абавязкова з правамі адпаведнай катэгорыі: АМ, А1 ці А, у залежнасці ад магутнасці рухавіка.
Некаторыя прылады не падлягаюць рэгістрацыі, напрыклад, хуткасныя манаколы.
У міліцыі распрацавалі спецыяльную таблічку, якая палегчыць жыццё раварыстам
У Мінску самакатчык спатыкнуўся на ляжачым паліцэйскім і ўрэзаўся ў прыпаркаваную машыну ВІДЭА
Міліцыя рассылае самакатчыкам эсэмэскі аб парушэнні імі правілаў дарожнага руху
У Мінску ДАІ ганялася за падлеткамі на электрасамакатах
Пешаход спрабаваў зачапіць нагой самакатчыка. Той з'ехаў, але неўзабаве вярнуўся — ужо з сябрамі
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары