Нацыянальны банк Беларусі абвясціў конкурс на стварэнне новага графічнага знака для беларускага рубля. Шукаюць арыгінальны і лёгка пазнавальны сімвал, аналагічны тым, што маюць долар ($), еўра (€), фунт (£) ці расійскі рубель (₽).
У Беларусі ўжо каля 20 гадоў выкарыстоўваюць абазначэнне Br, але, як гаворыць намеснік старшыні праўлення Нацбанка Андрэй Картун, гэты знак па сутнасці так і не прыжыўся. Прычынай гэтага можа быць складанасць яго выкарыстання або адсутнасць устойлівай асацыяцыі менавіта з нацыянальнай валютай.
Таму Нацбанк вырашыў абвясціць конкурс на стварэнне новага знака. Паводле ўмоў, трэба прапанаваць адзінкавы сімвал — просты, зразумелы для міжнароднай супольнасці і звязаны менавіта з беларускім рублём.
Удзельнічаць у конкурсе могуць усе жыхары Беларусі, як індывідуальна, так і калектыўна. Падаць свае прапановы (з апісаннем і малюнкам) трэба да 7 лістапада 2025 года на адрас [email protected] з пазнакай «Графічны знак». Пераможца атрымае прыз у памеры 3000 рублёў.
Найлепшыя работы адбярэ камісія, пасля чаго з пяці фіналістаў беларусы змогуць выбраць пераможцу праз адкрытае галасаванне на сайце Нацбанка. Голасаванне адбудзецца з 17 па 28 лістапада, а вынікі падвядуць да 31 снежня 2025 года.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
Чат усё за вас ужо прыдумаў:
Варыянт 1: Ꞧ
Заснаваны на літары "Р" (рубель), але перакрэслены адной гарызантальнай рыскай зверху.
Аналагічна € (евра) і ₽ (расійскі рубель).
Просты і адразу асацыюецца з “рублём”.
Варыянт 2: ᗺ
Стылізацыя літары "B" (ад Belarus і Br), але ў люстэркавым выглядзе.
Выглядае сучасна, адметна і лёгка пісцца.
Можа стаць "беларускай адметнасцю".
Варыянт 3: Ҕ̶
Бярэцца беларуская літара “Ҕ” (якая рэдка выкарыстоўваецца і выглядае экзатычна), праз якую праводзіцца гарызантальная лінія.
Падае адразу нацыянальны каларыт (звязана з кірыліцай).
Варыянт 4: ℬ̆
Літара "B" з невялікім дужачком або значком уверсе (нагадвае беларускі акцэнт).
Стылёва, але не цяжка чытаць.
Захоўваецца пераемнасць з Br, але робіцца больш сімвалічна.
Стоадсоткава нейкі з гэтых і пераможа :)