Чым цяпер займаецца экс-удзельнік гурту ЛСП Пятро Клюеў?

Апошнім яркім публічным выступам Клюева можна лічыць калядны кватэрнік Маргарыты Ляўчук у 2023 годзе.

Вясной 2024‑га знаёмыя Пятра ўвогуле пачалі панікаваць: «чалавек знік!» А потым высветлілася, што Клюеў залёг на дно па прычыне грашовых пазык, якія не мог аддаць. І выступы ў яго здараліся, але амаль падпольна, каб тыя, каму ён вінны грошы, не прыйшлі па іх.

Сам Пятро ўсё адмаўляў. «У мяне няма доступу да некаторых сацсетак, і таму я не мог выйсці на сувязь», — заяўляў творца. Праўда, як даведалася «Наша Ніва», некаторым ён дагэтуль не вярнуў пазыкі.

Што яшчэ адбываецца цяпер у жыцці Пятра?

Павялічыць

@piotrkluev Я тот самый Пётр Клюев из ЛСП, подписывайтесь чтоб первыми слушать мои песни #ПетрКлюев #ЛСП #клюев ♬ Malen'kiy prints - LSP

У сваім тыктоку Клюеў прызнаецца, што з пераездам у Еўропу яму было нялёгка, хацелася адысці ад пазнавальнасці выключна па ЛСП, тым больш, што група працягвае гастраляваць па Расіі. Пятро, у сваю чаргу, пісаў новыя песні і ў 2024 годзе выпусціў альбом Punk's Line свайго праекта Love Machine.

Пры гэтым, як заўважаюць каментатары, увесь свой блог ён напаўняе кантэнтам, так ці інакш завязаным на ЛСП: «Як я пазнаёміўся з Алегам ЛСП», «Сакрэт, які ведалі толькі ўдзельнікі ЛСП», «Калі ЛСП выступіць у Еўропе».

@piotrkluev Когда ЛСП выступит в Европе Ссылка на билеты в шапке профиля #ПетрКлюев #ЛСП #клюев ♬ оригинальный звук - Петр Клюев

Дарэчы, на сольным канцэрце ў Варшаве, які запланаваны на красавік 2026 года, Пятро плануе граць у тым ліку хіты, створаныя для ЛСП — напрыклад, «Маленькага прынца», для якога Клюеў напісаў музыку.

Клюеў часам выступае з папулярным рэперам з Украіны T-fest. У вольны ж час любіць падыходзіць да вулічных музыкаў у Варшаве ў вобразе рабочага з прапановай сыграць пару акордаў — і калі пачынае спяваць свае і чужыя песні, здзіўляе ўзроўнем выканання тых, хто яго не ведае.

@piotrkluev Пранк - реакция людей экс Член ЛСП Пётр Клюев спел Порн⭐️ Думаете узнали? #ПетрКлюев #клюев #ЛСП ♬ оригинальный звук - Петр Клюев

Акрамя таго, апошнія пяць месяцаў Пятро працаваў над сайтам ArtGo — ён дазваляе аўтаматызаваць працу паміж замоўцам і артыстамі.

@piotrkluev Подписывайтесь на @ArtGo - это новый проект по автоматизации работы артистов, где ты можешь без посредников пригласить к себе любого исполнителя и даже меня #ПетрКлюев #клюев #ЛСП ♬ Дым сигарет - Пётр Клюев

Так, за 6 тысяч еўра вы можаце запрасіць да сябе на дзень народзінаў спявачку Леру Яскевіч, адразу абраўшы патрэбную дату ў календары. За 500 еўра — коміка Антона Дзюбайлу, а за дзве тысячы еўра (за гадзіну) — самога Пятра Клюева. Сціплым яго назваць цяжка: сам сябе ён апісвае як «найлепшага поп-музыку ўсіх часоў» і «легенду».

Прасоўвае сайт Клюеў на польскай мове — вялікую частку маленства ён пражыў у Польшчы, бо там вучылася яго маці. Таму ён добра валодае мовай і нават выкладаў яе нейкі час у падпольным Ліцэі імя Якуба Коласа ў Мінску.

Павялічыць

• 4
• 0
• 3
• 8
• 1
• 1
• 0
• 1