У Польшчы беларуса затрымалі па падазрэнні ў выкраданні чалавека
Польская паліцыя ў горадзе Закапанэ затрымала двух мужчын — беларуса і паляка. Іх падазраюць у тым, што яны выкралі 24‑гадовага жыхара Лодзінскага ваяводства і трымалі яго як закладніка, паведамляюць Wiadomości.
Паводле інфармацыі СМІ, злачынцы патрабавалі ад сям’і ахвяры вярнуць доўг. Пацярпелага збівалі, трымалі галодным, закрывалі рот затычкай і вазілі ў багажніку.
Да аперацыі далучыліся паліцыянты з Закапанэ і Малапольскага ваяводства. Яны ўстанавілі аўтамабіль, у якім знаходзіўся закладнік, і калі машына спынілася каля крамы ў мястэчку Касцеліска, мясцовыя праваахоўнікі правялі жорсткае затрыманне.
У аўтамабілі былі 36‑гадовы беларус, 30‑гадовы паляк і сам пацярпелы. Суд вырашыў змясціць падазраваных пад варту на тры месяцы. Ім можа пагражаць да 25 гадоў турмы.
Каментары