Лукашэнка раскрытыкаваў птушкафабрыкі за парушэнне санітарных нормаў. А сам хадзіў па адной з іх з Умкам
Падчас наведвання 3 кастрычніка Салігорскай птушкафабрыкі Лукашэнка сярод іншага жорстка раскрытыкаваў тое, што на многіх падобных прадпрыемствах мала ўвагі надаюць прытрымліванню санітарных нормаў, што прыводзіць да цяжкіх наступстваў. Але для сябе гэтыя нормы ён, як выглядае, абавязковымі не лічыць.
«Да гэтага часу выкрываюцца выпадкі парушэння рэжыму: пранос работнікамі асабістых рэчаў на тэрыторыю, праходжанне супрацоўнікаў у чыстую зону ў абыход санпрапускніка, а таксама праца без спецадзення, — абураўся Лукашэнка. —
У некаторых птушкагадоўчых арганізацыях не выключаная магчымасць трапляння сінантропнай птушкі. Не ў поўнай меры праводзяцца мерапрыемствы па барацьбе з грызунамі. Элементарнага не робім».
Між тым сам ён прывёў з сабой на тэрыторыю птушкафабрыкі зусім неабавязковага персанажа — памеранскага шпіца Умку. Сабака свабодна бегаў па падлозе пад нагамі ў чыноўнікаў. Наўрад ці правілы птушкафабрыкі дапускаюць допуск на яе тэрыторыю падобных жывёл, прытым у тым ліку і па санітарных меркаваннях.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары