Łukašenka raskrytykavaŭ ptuškafabryki za parušeńnie sanitarnych normaŭ. A sam chadziŭ pa adnoj ź ich z Umkam
Padčas naviedvańnia 3 kastryčnika Salihorskaj ptuškafabryki Łukašenka siarod inšaha žorstka raskrytykavaŭ toje, što na mnohich padobnych pradpryjemstvach mała ŭvahi nadajuć prytrymlivańniu sanitarnych normaŭ, što pryvodzić da ciažkich nastupstvaŭ. Ale dla siabie hetyja normy jon, jak vyhladaje, abaviazkovymi nie ličyć.
«Da hetaha času vykryvajucca vypadki parušeńnia režymu: pranos rabotnikami asabistych rečaŭ na terytoryju, prachodžańnie supracoŭnikaŭ u čystuju zonu ŭ abychod sanprapusknika, a taksama praca bieź śpiecadzieńnia, — aburaŭsia Łukašenka. —
U niekatorych ptuškahadoŭčych arhanizacyjach nie vyklučanaja mahčymaść traplańnia sinantropnaj ptuški. Nie ŭ poŭnaj miery pravodziacca mierapryjemstvy pa baraćbie z hryzunami. Elemientarnaha nie robim».
Miž tym sam jon pryvioŭ z saboj na terytoryju ptuškafabryki zusim nieabaviazkovaha piersanaža — pamieranskaha špica Umku. Sabaka svabodna biehaŭ pa padłozie pad nahami ŭ čynoŭnikaŭ. Naŭrad ci praviły ptuškafabryki dapuskajuć dopusk na jaje terytoryju padobnych žyvioł, prytym u tym liku i pa sanitarnych mierkavańniach.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary